शीतलपाटीन्युज डटकम।
लन्डन। राष्ट्रिय लोक तथा दोहोरी गीत प्रतिष्ठान नेपाल, यूके शाखामा नयाँ कार्यमसिति चयन गरिएको छ।
शाखाको आइतबार २१ मंसिर २०८२ (७ डिसेम्बर २०२५) मा सम्पन्न भएको ११औं वार्षिक साधारणसभा तथा पाँचौं अधिवेशनले मनसुधन थापा मगरको अध्यक्षतामा नयाँ कार्यसमिति चयन भएको हो।

कार्यसमितिको प्रथम उपाध्यक्षमा कल्पना श्रीपाल, द्वितीय उपाध्यक्षमा चन्द्र बहादुर गुरुङ र महिला उपाध्यक्षमा कौशिला थापा चुनिएका छन। त्यसैगरी सचिवमा रेशमबहादुर पाचे मगर, सहसचिवमा धर्म लामा गुरुङ,महिला सचिवमा निता गुरुङ,कोषाध्यक्षमा जीतबहादुर काउचा र सह-कोषाध्यक्षमा भिम आले मगर चयन भएको कुरा निर्वाचन समितिले जनाएको छ।

यसैगरी समितीको सदस्यहरूमा मिन गुरुङ,दिनेश गुरुङ,कुमार गुरुङ,तारा गर्बुजा,रूक आले, निर्मला राना,सन्तोष पुन, पवन राना, भुपी पौडेल, आश्मा छन्त्याल,निरूशा भट्टराई,खेम आले,श्रृजना गुरुङ,बेनिता गुरुङ,यज्ञ बिक र रेखा कोइराला चुनिएका छन।

नयाँ कार्यसमिति चयन गर्नका लागि अनिल मल्लको संयोजकत्वमा निर्वाचन कमिटी बनाइएको थियो। अधिवेशन उद्घाटन सत्र निवर्तमान अध्यक्ष लक्षमण रानाको अध्यक्षतामा भएको थियो। नयाँ कार्यसमितिको कार्यकाल वि.सं. २०८२-२०८५ सन् २०२५-२०२८) सम्म रहने बताईएको छ।