सुरेश कोईराला,
पर्वत। नेकपा एमाले पर्वतका उम्मेदवार पदम गिरीले लोकतन्त्रको सुन्दर पक्ष निर्वाचन भएकाले आफू पवित्र भावका साथ स्वच्छ प्रतिस्पर्धामा होमिने बताएका छन्। मंगलबार उम्मेदवारी दर्ता गराएका गिरी बुधबार आफ्नो निर्वाचन क्षेत्र पुगेका हुन्। त्यसक्रममा उनले उक्त कुरा बताएका छन्।

‘म पवित्र भावका साथपर्वत का जनताको सेवा गर्न आएको छु। मेरो मन कञ्चन छ। म खुल्ला किताब जस्तै छु। हामीले चुनावी प्रतिस्पर्धा गर्दा अरु उम्मेदवारहरूलाई विभिन्न आरोप प्रत्यारोप गर्नु हुँदैन। कसैलाई गाली गर्नु हुँदैन। आफ्ना एजेण्डासहित जनतामा जानुपर्छ। यो हाम्रो लोकतान्त्रिक संस्कार पनि हो। म जनताको घरदैलोमा आफ्ना योजना र विचार बोकेर पुग्ने छु,’उनले भने।

प्रतिस्पर्धी नेपाली कांग्रेश अर्जुन जोशीलाई आफूले फोन गरेर स्वच्छ र सभ्य प्रतिस्पर्धा गर्न आग्रह गरेको उनले बताए। उनले परम्परागत गालीगलौजको शैलीलाई परिवर्तन गर्ने र जनताको विश्वास जित्ने आफ्नो लक्ष्य रहेको प्रस्ट पारे।

उनले आफ्नो ३० वर्ष लामो राजनीतिक अनुभव र राष्ट्रिय तथा अन्तर्राष्ट्रिय सम्बन्धको सदुपयोग गर्दै पर्वत जिल्लाको को विकासमा अर्पित गर्ने बताएका छन्।

उनले आफू जेनजी आन्दोलनको भावना समेटेर अघि बढ्ने प्रतिवद्धतासमेत व्यक्त गरेका छन्। ‘म जेनजी भावनाको सम्मान गरेर अगाडि बढ्ने छु। म परिवर्तनको सम्वाहक बनेर आएको छु,’ उनले भने। विष्टले पार्टीभित्रको विवादसमेत अन्त भइसकेको बताएका छन्। पदम गिरी माटोलाई ढोगेर निर्वाचन क्षेत्रप्रति सम्मान जनाएका थिए।