शीतलपाटीन्युज डटकम।
माघ-०९,पोखरा। प्रहरी प्रधान कार्यालय,मानवश्रोत एवम् प्रशासन विभाग, कर्मचारी प्रशासन शाखाको चलानी नं ४८६० मिति २०८२।१०।०४ गतेको पत्रले गण्डकी प्रदेश प्रहरी कार्यालय पोखरा सरुवा भई आउनु भएका प्रहरी नायव महानिरीक्षक दिपेन्द्र घर्ती क्षेत्रीले गण्डकी प्रदेश प्रहरी प्रमुखको पदभार ग्रहण गर्नुभएको छ।

गण्डकी प्रदेश प्रहरी प्रमुखको पदभार ग्रहण गर्नुभएका प्रहरी नायव महानिरीक्षक क्षेत्रीलाई गण्डकी प्रदेश प्रहरी कार्यालयमा कार्यरत प्रहरी कर्मचारीहरु र पोखरा उपत्यका स्थित मातहत कार्यालय प्रमुखहरुले पुष्प गुच्छा सहित स्वागत गर्नुभएको थियो। स्वागत तथा पदभार ग्रहण पश्चात प्रहरी नायव महानिरीक्षक क्षेत्रीले गण्डकी प्रदेश प्रहरी कार्यालय तथा मातहतका सिनियर प्रहरी अधिकृत लगायत उपस्थित सम्पूर्णमा आउँदै गरेको निर्वाचनलाई लक्षित गरी सुरक्षा व्यवस्थापनलाई दुरुस्त कार्यन्वयन गर्ने बताउनु भयो।