झापा- नेकपा (एमाले) का अध्यक्ष केपी शर्मा ओलीले चुनावका बेला फ्री–भिसा र फ्री–टिकटको आश्वासन बाँड्नेहरूलाई कारबाही गर्नुपर्ने बताएका छन्।

आज (बुधबार) झापाको धुलाबारीमा नेकपा (एमाले) र राप्रपाले आयोजना गरेको संयुक्त कार्यकर्ता भेलामा सम्बोधन गर्दै उनले माधव नेपालले फ्री–भिसा र टिकटको लोभ देखाएर युवाहरूलाई भ्रमित गरेको भन्दै आपत्ति जनाएका हुन्।

यसै गरी बारा–४ का गठबन्धनका उम्मेदवार किसान श्रेष्ठले पनि युवालाई फ्री–भिसा र टिकटको लोभ देखाएकोमा निर्वाचन आयोगले तत्काल कारबाही गर्नुपर्ने उनले धारणा राखे।  सोही कार्यक्रममा राप्रपाका अध्यक्ष राजेन्द्र लिङदेनले कार्यकर्तालाई सूर्यमा भोट नहाले मंसिर ४ पछि पार्टीमा भेट नहुने बताए। देश जोगाउनका लागि एमालेसँग तालमेल गरेको उनको भनाइ छ।