GNNNEWS
लन्डन – उच्च शिक्षाका लागि बेलायत आएकी २९ वर्षीय सिर्जना भुजेलको क्यान्सरका कारण शनिबार निधन भएको छ। उनको पार्थिव शरीर नेपाल लैजान सहयोग गर्न उनका आफन्तजनले अनुरोध गरेका छन्।

साविक बाग्लुङ जिल्ला,हुग्दीसीर,बराहकोट निवासी कृष्ण बहादुर भुजेलकी बुहारी तथा कुमार भुजेलकी श्रीमती(हाल बसोबास रुद्रपुर,हरैया,रुपन्देही) सिर्जना भुजेल कोलोन- रेक्टल क्यान्सरका कारण गएको झन्डै एक वर्ष देखि उपचाररत थिइन्।गत राती उनको दुखद निधन भएको उनको स्याहार गर्दै आएका उनका श्रीमान कुमार भुजेलले बताए।

प्रेस्टनस्थित युनिभर्सिटी अफ लंकाशायरमा मास्टर्स तहमा अध्ययनरत सिर्जना क्यान्सर रोगबाट पीडित रहेको गत मे २०२५ मा पहिचान भएको थियो।त्यसबेला उनी ६ हप्ताकी गर्भवती थिइन्। तर केमोथेरापी तथा रेडीएशन जस्ता उपचार प्रविधि अपनाउनु परेका कारण चिकित्सकको सल्लाह अनुसार उनको गर्भपतन गर्नुपरेको थियो। परिवारमा एक पछि अर्को चोट परेको र परिवारको अनुरोध अनुसार सिर्जनाको शव नेपाल लैजान सक्दो सहयोग गर्न एनआरएनए युकेका अध्यक्ष राजेन्द्र पुडासैनीले अनुरोध गरेका छन्।

“मर्दापर्दा सहयोग गर्ने नेपाली संस्कृति नै हो। यो दुखद अवस्थामा मानवीय आधारमा सक्दो सहयोग गरि दिन म सबै मित्रहरुलाई आग्रह गर्दछु,”उनले भने।

यो पेजमा गएर सहयोग गर्न उनको परिवारले आग्रह गरेको छ।

https://www.justgiving.com/crowdfunding/purnabhadra-kandel-1?utm_medium=CF&utm_source=CL