शीतलपाटीन्युज डटकम।
काठमाडौं। प्रतिनिधिसभाले दुई समिति गठन गरेको छ । सोमबार प्रतिनिधिसभाले कार्यव्यवस्था परामर्श समिति र सभाको सञ्चालन नियमावलीको मस्यौदा समिति गठन गरेको हो ।

सभामुख डीपी अर्यालले समिति सदस्यको नाम वाचन गरेर सभालाई जानकारी गराएका थिए । जसअनुसार सभामुखको अध्यक्षतामा रहने सदस्यीय कार्यव्यवस्था परामर्श समितिमा २१ सदस्य मनोनीत गरिएको छ ।

जसअनुसार अचुतम लामिछाने,अप्साना बानु,आरएन राई, केपी खनाल,कामिनी चौधरी,क्रान्तिशिखा धिताल,खुश्बु ओली, गणेशसिंह ठगुन्ना,गुरुप्रसाद बराल,गंगालक्ष्मी अवाल,तपेश्वर यादव,देवराज पाठक,नरेन्द्रकुमार केरुङ,प्रकाशचन्द्र परियार,निशा डाँगी,बोधनारायण श्रेष्ठ, मिनाकुमारी यादव,युवराज दुलाल,राजन गौतम,डा.राम लामा र विपिनकुमार आचार्य छन् ।

यस्तै बैठकले रास्वपाका गणेश पराजुलीको सभापतित्वमा १५ सदस्यीय सभा सञ्चालन नियमावलीको मस्यौदा समिति गठन गरेको छ। जसमा डा.ओजश्वी शेरचन,ऐन महर,खुस्बु ओली,खगेन्द्र सुनार,गजलासमिम मिश्रानी,तपेश्वर यादव,ध्रुवराज राई,निशा डाँगी,निश्कल राई,बलावती शर्मा,मधु चौलागाई,रेखा कुमारी यादव,यज्ञमणि न्यौपाने र सुलभ खरेल सदस्य छन् ।

सभा सञ्चालन नियमावलीको मस्यौदा समितिको कार्यअवधि १४ दिनको हुनेछ।
(सुत्र न्युज)