काठमाडौँ – एसोसिएसन नेपालको आयोजना र पुष्प विकास केन्द्र गोदावरीको सहयोगमा गोदावरी फूल मेला तथा प्रदर्शनी आज बिहीबारबाट सुरु भएको छ ।

ललितपुरको जावलाखेल मैदानमा १५ औँ गोदावरी फूलको प्रतियोगितात्मक प्रदर्शनी ‘रोपेर फूल गोदावरी, सजाऔँ घर आँगन वरिपरि’ नाराका साथ मनाइदैछ ।

तिहार तथा छठ पर्वलाई लक्षित गरी मेला आयोजना गरिएको फ्लोरिकल्चर एसोसिएसन नेपालका महासचिव विश्वमणि पोखरेलले जानकारी दिए । फूल व्यवसायको व्यावसायिक विस्तार तथा प्रवर्द्धनका लागि बर्सेनि मेला हुँदै आएकोमा कोरोनाकालमा रोकिएको थियो ।

प्रदर्शनीमा सहभागी नर्सरी र फर्महरूले उत्पादन गरेको गोदावरी फूलको पाँच वटा प्रजातिमा प्रतिस्पर्धा गराइनेछ । प्रतिस्पर्धा हुने गोदावरीको प्रजातिहरूमा मिनियचर, स्पाइडर, रिफ्लेक्स, इन्कर्भ र कटफ्लावर प्रजाति रहेका छन् । प्रदर्शनीमा व्यावसायिक स्टल ४९,

प्रतियोगितात्मक स्टल दुई र सूचनामूलक चार गरी जम्मा ५५ वर्शनीटा प्रद कक्ष रहेकाे जनाइएकाे छ।

उक्त मेला आउँदो आइतबारसम्म चल्नेछ ।