शीतलपाटीन्युज डटकम।
लन्डन। कास्कीको मादी गाउँपालिका वडा नं.१,खिलाङ पुर्खौली घर भई हाल बेलायतको फानबोरोमा बसोबास गर्दै आएका भूतपूर्व मेजर लालबहादुर गुरुङको ७६ वर्षको उमेरमा निधन भएको छ। लामो समयदेखि अस्वस्थ रहेका गुरुङको अप्रिल २९ तारिखका दिन निधन भएको हो।

दिवंगत गुरुङ १/२ जीआरका पूर्व सैनिक हुनुका साथै तमु धीँ यूकेका पूर्व अध्यक्ष,हालका ट्रष्टी र खिलाङ समाज यूकेका प्रमुख सल्लाहकार समेत थिए। साथै,Sirmoor Raffles का पूर्व चियरमेन र नेपाल कपको पूर्व खेलाडी पनि हुन्।

समाजसेवामा सक्रिय उनको निधनले बेलायतस्थित नेपाली समुदाय र खिलाङबासीहरूमा गहिरो चोट पुगेको खिलाङ समाज यूकले बताएको छ। विभिन्न समाज र संस्थाले शोक वक्तव्य जारी गर्दै यस दुःखद घडीमा सम्पूर्ण परिवारजनप्रति गहिरो समवेदना प्रकट गरेका छन्। उनीहरूले दिवंगत आत्माको चिरशान्तिको कामना गर्दै मेजर गुरुङले समाजका लागि दिएको योगदानको स्मरण समेत गरेका छन्।