शीतलपाटीन्युज डटकम।
काठमाडौँ। नेपाल मगर संघको अध्यक्षमा रक्षबहादुर रैका मगर निर्वाचित भएका छन्। काठमाडौँमा सोमबार सम्पन्न १३औँ राष्ट्रिय महाधिवेशनबाट चार उम्मेदवारलाई पराजित गर्दै रक्षबहादुर १९६ मतसहित अध्यक्ष निर्वाचित भएका हुन्।

महाधिवेशनमा सहभागी ५९८ प्रतिनिधिमध्ये निर्वाचनमा ५७५ जना सहभागी भएका थिए। निर्वाचित अध्यक्ष रक्षबहादुरका निकटतम प्रतिस्पर्धी धनबहादुर पुन मगरले १३३ मत प्राप्त गरे।

नेपाल प्रज्ञा प्रतिष्ठानको भवनमा आयोजित महाधिवेशनले वरिष्ठ उपाध्यक्षमा टेकबहादुर नाम्जाली मगर निर्विरोध चयन भएका थिए। समितिको उपाध्यक्षतर्फ महिलामा सीता राना मगर, खुलामा कविराज मगर र तेजबहादुर आले मगर,सांस्कृतिकतर्फ दीपसागर मगर,मगर ढूटतर्फ हर्क आले मगर,मगर खामतर्फ जीवन प्रवेश रोकाय मगर र मगर काइके तर्फ भीम मगर निर्वाचित भए।

महासचिवमा होमराज खपाङ्गी मगर,उपमहासचिव महिलातर्फ मञ्जु थापा मगर,उपमहासचिव खुलामा सिद्धान्त जर्घा मगर,खगेन्द्र पुन मगर र हिरूसरा राना मगर निर्वाचित भएका छन्। सचिवमा बिष्णुबहादुर राना मगर,झबीन्द्र थापा मगर र तारामाया थापा मगर निर्वाचित भएका जनाइएको छ।

संघको कोषाध्यक्षमा पूर्ण राना मगर र सह–कोषाध्यक्षमा गायत्री मगर निर्वाचित भएको कुरी निर्वाचन मण्डलका सदस्य अधिवक्ता मनोज घर्ती मगरले जानकारी दिए। महाधिवेशनबाट लेखा संयोजकमा योवन कुमार राना मगर र निर्वाचन समिति संयोजकमा धर्मबहादुर घर्ती मगर निर्वाचित भएका छन्।

यसैगरी,सदस्यहरुमा जुनु पुन मगर,गिरमान गाहा मगर,रमेश पुन मगर,इन्द्र सारू मगर,रमेश थापा मगर,महेश राना मगर,तारा रैका मगर र लक्ष्मी मगर निर्वाचित भएको कुरा निर्वाचन समितीले जनाएको छन।