शीतलपाटीन्युज डटकम।
लन्डन । नेपाल पत्रकार महासंघ यूकेका सदस्य तथा एभरेष्ट टाइम्स यूकेका प्रबन्ध निर्देशक नगेन्द्र नेम्वाङलाई पितृशोक परेको छ।

उनका बुबा पूर्व क्विन्स गोर्खा सिग्नल्स २११४०७९१ सर्जेन्ट कुबेरसिंह नेम्वाङको बिहीबार (४ जुन) बेलायतको केन्टस्थित विलियम हार्भे अस्पताल,आषफोर्डमा ९२ वर्षको उमेरमा निधन भएको हो। निधनको जानकारी उनका जेठा छोरा नगेन्द्र नेम्वाङले दिएका छन्।

वि.सं.१९९९ सालमा पाँचथरको फाल्गुनन्द गाउँपालिका–२ इम्बुङमा जन्मिएका स्व.नेम्वाङ वि.सं.२००९ सालमा ब्रिटिस आर्मीमा भर्ना भएका थिए। सैनिक सेवा पूरा गरेपछि,उनले वि.सं.२०२१ देखि २०३३ सम्म गल्लावालाका रूपमा तथा वि.सं.२०३३ देखि २०४१ सम्म पाँचथरको फिदिममा असिस्टेन्ट वेलफेयर अफिसरका रूपमा सेवा गरेका थिए।

स्व. नेम्वाङका दुई छोरा र एघार (११) छोरीहरू छन्।

नेपाल पत्रकार महासंघ यूकेले स्व.कुबेरसिंह नेम्वाङको निधनप्रति गहिरो दुःख व्यक्त गर्दै दिवंगत आत्माको चिरशान्तिको कामना गरेको छ। साथै शोकसन्तप्त परिवारजनहरूलाई धैर्य धारण गर्ने शक्ति प्राप्त होस् भन्दै हार्दिक समवेदना व्यक्त गरेको छ।