काठमाडौं- चालु आर्थिक वर्षको पहिलो ३ महिनासम्म आइपुग्दा नबिल बैंकले १ अर्ब ५७ करोड खुद नाफा कमाएको छ । यो गत आर्थिक वर्षको तुलनामा ४१ दशमलव ३० प्रतिशतले धेरै हो । बैंकले गत वर्षको यसै अवधिसम्म १ अर्ब ११ करोड नाफा कमाएको थियो ।

यसै अवधिसम्ममा बैंकले ३ खर्ब ३४ अर्ब ९ करोड निक्षेप सकंलन गरी ३ खर्ब ५ अर्ब ६९ करोड कर्जा लगानी गरेको छ । साथै, बैंकको सञ्चालन मुनाफा र खुद व्याज आम्दानी दुवै बढेको छ । बैंकको सञ्चालन मुनाफा ४० दशमलव ४२ प्रतिशतले बढेर २ अर्ब २३ करोड पुगेको छ भने खुद ब्याज आम्दानी ६४ दशमलव शून्य ७ प्रतिशतले बढेर ३ अर्ब ६७ करोड पुगेको छ ।

बैंकको प्रतिसेयर आम्दानी २७ रुपैयाँ १ पैसा रहेको छ । यसको प्रतिसेयर नेटवर्थ २३३ रुपैयाँ २८ पैसा रहेको छ ।