काठमाडौं– २० किलो अवैध गाँजासहित बारा प्रहरीले ५ जनालाई पक्राउ गरेको छ । कलैया उपमहानगरपालिका–५ स्थित घुसुकपुर टोलबाट प्रहरीले उनीहरुलाई पक्राउ गरेको हो ।

स्थानीय सुनिता देवी साहले सञ्चालन गर्दै आएको पसलबाट गाँजाको कारोबार गर्ने गरेको सूचनाका आधारमा प्रहरी खानतलासी गर्न पुगेको थियो ।

सो क्रममा २० किलोग्राम गाँजासहित महागढीमाई नगरपालिका–१ प्रतिमा देवी पटेल र करैयामाई गाउँपालिका–१ का सफि अन्सारी, पचरौता नगरपालिका–३ का उपेन्द्र पटेल, सौखीलाल प्रसाद यादव र भारतीय नागरिक सेराज आलमलाई पक्राउ गरिएको प्रहरी सुचना अधिकारीले जनाएको छ ।

उनीहरुमाथि थप अनुसन्धान भइरहेको प्रहरीले जनाएको छ ।