काठमाडौँ- प्रतिनिधिसभा र प्रदेशसभा सदस्य निर्वाचन आउन अब २० दिन बाँकी छ । आगामी ४ मङ्सिर मा हुने प्रतिनिधिसभा र प्रदेशसभा सदस्य निर्वाचनमा दुई वटा मतपत्र प्रयोगमा आउने निर्वाचन आयोगले जानकारी दिएको छ ।

आयोगका अनुसार प्रतिनिधिसभा र प्रदेशसभाको पहिलो हुने निर्वाचित हुने (प्रत्यक्ष) निर्वाचन प्रणालीका लागि मतपत्रमा सेतो पृष्ठभूमिमा रातो रङ्गको निर्वाचन चिह्न र अन्य विवरण छापिएको हुनेछ ।

यसै गरी दुवै तहकाको समानुपातिक निर्वाचन प्रणालीको लागि मतपत्रमा सेता पृष्ठभूमिमा कालो रङ्गको निर्वाचन चिह्न र अन्य विवरण छापिएको हुने आयोगले जनाएको छ ।