शीतलपाटीन्युज डटकम।
पर्वत,कुस्मा। अन्तर्राष्ट्रिय पर्वत समाजको आयोजना तथा प्रदेश अस्पताल पर्वतको व्यवस्थापनमा सम्पन्न “पर्वत अस्पताल सौन्दर्यकरण परियोजना” हस्तान्तरण कार्यक्रम सफलतापूर्वक सम्पन्न भएको छ।

पुरन गिरी प्रमुख अतिथिको रहेको सो उदघाटन कार्यक्रममा गिरीले प्रमुख अतिथिको रूपमा सहभागी हुने अवसर पाउँदा खुशी लागेको बताउनु भएको छ।

विशेष रूपमा परियोजनाका परिकल्पनाकार एवं अस्पताल विकास समितिका निवर्तमान अध्यक्ष शंकर गिरिको अथक मेहनत र नेतृत्वका कारण यो “पर्वत अस्पताल सौन्दर्यकरण परियोजना” सम्पन्न भएको हो। यो प्रोजेक्ट झन्डै ४२ लाख रुपैयाँ लागतको हो। गिरिले यो निर्माण अभियान सफल बनाउन लागि पर्ने सबैमा हार्दिक धन्यबाद व्यक्त गर्दछु भन्नु भएको छ।

यस कार्यमा सहयोग पुर्‍याउनु हुने सम्पूर्ण,संरक्षकज्यूहरू, कार्यसमिति सदस्यहरू,प्रतिक्षालय सौजन्यकर्ता बुबा कलाधर गिरि,आमा इन्द्र कुमारी गिरि,नेपाल प्रतिनिधि मुना भुसाल,कलाकार तथा पत्रकार मित्रहरू,अस्पताल विकास समिति,आमा समूह,युवा क्लब,अस्पताल प्रशासन तथा कर्मचारीहरू लगायत सबैप्रति अन्तराष्ट्रिय पर्वत समाजका संस्थापक अध्यक्ष पुरण गिरीले हार्दिक आभार र धन्यबाद व्यक्त गर्दछु भन्नु भएको छ।