शीतलपाटीन्युज डटकम।
पोखरा। पोखरा महानगरपालिका वडा नं ४ मा रहेको कुमुदिनी होम्स माध्यमिक विद्यायमा चाईनिज भाषा अध्यापन गराईरहेकी शिक्षक हाउ सिङ इनलाई बिहिबार बिदाई गरिएको छ ।

कक्षा ३ देखि कक्षा ७ सम्मका विद्यार्थीका लागि बिगत ५ वर्षदेखि चाईनिज भाषाको सिकाई चल्दै आएको विद्यालयका संस्थापक अध्यक्ष अशोक पालिखेले जानकारी दिए। हरेक वर्ष चाईनिज शिक्षक आएर चाईनिज भाषा सिकाउने क्रम चलिरहेको र एउटा शिक्षक एक वर्षभन्दा बढी बस्न नपाउने चाईनिज अन्तराष्ट्रिय भाषा केन्द्रको नीति अनुसार इन चाईना फिर्ता हुन लागेको बताए।

पोखरामा चाईनिज भाषा र संस्कृतिको अध्यापन भईरहेको र विद्यार्थीले खुसि मानेर पढिरहेको बताए। नेपाली विद्यार्थीहरुमा जनजातीले ५ वटाजति भाषा र नेपाली भाषिले कम्तिमा दुईवटा भाषा बोल्छन्।

नेपाली भाषिका लागि तेश्रो,चौथो भाषा हुने र जनजातीका लागि पाँचाै छैटैँ भाषा हुने भएकाेले यसले पर्यटकिय राजधानी पोखरामा दोभाषेको रुपमा काम गर्नका लागि पनि भविष्यमा सहयोगि हुने उनले बताए ।

बिदाई कार्यक्रममा बिद्यार्थीहरु शिक्षकसहित भावुक बन्दै शिक्षक इनलाई पुष्पगुच्छा,खादा र माला लगाएर बिदाई गरेका थिए।
(सफल आवाजबाट साभार)