सुरेश कोईराला।
अमेरीका। ह्यारी भण्डरी अमेरिकाको मेरिल्याण्ड राज्यको हाउस अफ डेलिगेट्स सदस्यका लागि चुनावी मैदानमा उत्रिएका छन्। लामो समयदेखि सामाजिक अभियान र नेपाली समुदायमा सक्रिय भणडरी ले मेरिल्याण्डको डिष्ट्रिक्ट ८ –ए बाट डेमोक्रेटिक पार्टीको तर्फबाट उम्मेद्वारी दिएका हुन्।

अघिल्लो महिनामात्र औपचारिक रूपमा उम्मेद्वारी दर्ता गराएका चापागाई अहिले चुनावी प्रचार–प्रसारलाई तीव्र बनाउँदै स्थानीय समुदायबीच पुगिरहेका छन्। उनले आफ्नो उम्मेद्वारी केवल व्यक्तिगत महत्वाकांक्षा नभई अमेरिकामा बसोबास गर्ने सम्पूर्ण नेपाली समुदायको प्रतिनिधित्वको अवसर भएको बताएका छन् ।

मेरिल्याण्ड राज्यमा नेपालीसहित विभिन्न आप्रवासी समुदायको उल्लेख्य बसोबास रहेको छ। सन् २००४ देखि बाल्टिमोरमा बस्दै आएका भण्डरी नेपाली समुदायसँगै स्थानीय आप्रवासी समाजमा पनि परिचित व्यक्तित्वका रूपमा चिनिन्छन्।

डेमोक्रेटिक पार्टीभित्र हुने प्राइमरी निर्वाचनमा भण्डरी सहित 🦼जुनियर प्रतिस्पर्धामा रहेका छन्। उक्त क्षेत्रमा दुई सिटका लागि चार जना उम्मेद्वार चुनावी प्रतिस्पर्धामा छन्।

भण्डरी हाल सोही डिष्ट्रिक्टबाट मेरिल्याण्ड डेमोक्रेटिक पार्टीका केन्द्रीय सदस्यसमेत हुन्। चार वर्षअघि सम्पन्न निर्वाचनमा उनले करिब ४ हजार १ सय मत प्राप्त गर्दै पार्टीको केन्द्रीय सदस्य पदमा विजय हासिल गरेका थिए।

आगामी नोभेम्बरमा हुने निर्वाचनअघि मेरिल्याण्डमा जुन २३ मा डेमोक्रेटिक प्राइमरी निर्वाचन हुँदैछ। प्राइमरीमा विजयी भएमा भण्डरी ले नोभेम्बरमा रिपब्लिकन उम्मेद्वारसँग अन्तिम प्रतिस्पर्धा गर्नुपर्नेछ।