शीतलपाटीन्युज डटकम।

काठमाडौं । सरकारले नेपाल प्रहरीका ८ एआईजी सरुवा गरेको छ। आज बसेको मन्त्रिपरिषद् बैठकलले एआईजीहरुको सरुवा गरेको हो।
सरुवा सूची अनुसार एआईजी उमाप्रसाद चतुर्वेदीलाई केन्द्रीय अनुसन्धान व्युरो (सीआईबी) को जिम्मेवारी दिइएको छ।

सीआईबी प्रमुखको जिम्मेवारीमा रहेका एआईजी डा.मनोजकुमार केसीलाई भने हेडक्वार्टरस्थित अपराध अनुसन्धान विभागमा सरुवा गरिएको छ।

त्यसैगरी काठमाडौं उपत्यका कार्यालय प्रमुखमा, एआईजी सुशीलासिंह राठौर सरुवा भएका छन् भने त्यहाँका प्रमुख एआईजी ईश्वर कार्की हेडक्वार्टरको मानवस्रोत विभाग सरुवा भएका छन्।

हाल प्रहरी प्रशिक्षण प्रतिष्ठानमा रहेका एआईजी सिद्धविक्रम शाह हेडक्वार्टरको अपरेशन विभाग सरुवा भएका छन् भने प्रतिष्ठानमा एआईजी राजन अधिकारीलाई सरुवा गरिएको छ।
अनलाईन नेपालबाट साभार।