GNNNEWS- बार्सिलोना। स्पेनको बार्सिलोनामा आयोजित एक विशेष समारोहमा विभिन्न देशका ३३ जना पत्रकार र सञ्चारकर्मी सम्मानित भएका छन्। क्याटालोनिया सरकारको नेतृत्व गरिरहेको सत्तारुढ दल सोसियलिस्ट पार्टी अफ क्याटालोनियाको नागरिकता र विविधता विभागले बिहीबार साँझ एक भव्य समारोह बीच पत्रकार, सञ्चारकर्मी, टेलिभिजनकर्मी र फोटो पत्रकारहरुलाई सम्मान गरेको हो। यस कार्यक्रममा पत्रकार बसन्त रानाभाट लाई विशेष सम्मान प्रदान गरिएको थियो। झन्डै डेढ दशकदेखि स्पेनमा बसोबास गर्दै आएका रानाभाटको पत्रकारिता क्षेत्रमा दुई दशक लामो अनुभव छ। उनी हाल अनलाइनखबर डटकमको युरोप क्षेत्रमा समाचार संयोजकको रुपमा कार्यरत छन्। रानाभाटलाई स्पेन सरकारका क्याटालोनिया प्रतिनिधि कार्लोस प्रिइटो गोमेजले सम्मानपत्र हस्तान्तरण गरेका थिए। सम्मान समारोहमा बोल्दै कार्लोस प्रिइटो गोमेजले स्पेनको बहुसांस्कृतिक समाजलाई मजबुत बनाउन सञ्चारकर्मीहरूले पुर्याएको योगदानको प्रशंसा गरे। उनले भने, “सञ्चारकर्मीहरूले केवल सूचना प्रवाहमा मात्र होइन, देशभित्रका विविध समुदायहरू बीच समझदारी र सहिष्णुताको विकासमा पनि महत्त्वपूर्ण भूमिका खेलेका छन्। उनीहरूको यो योगदान सराहनीय छ।” सम्मान ग्रहण गरेपछि पत्रकार बसन्त रानाभाटले कार्यक्रममा मन्तव्य राख्दै अन्तर्राष्ट्रिय मञ्चमा नेपालको प्रतिनिधित्व गर्न पाउँदा आफू निकै गौरवान्वित र खुशी भएको बताए। उनले भने, “यो सम्मान मेरो लागि मात्र नभएर नेपाल र नेपाली समुदायका लागि पनि हो। मलाई विश्वास छ, यसले हाम्रो संस्कृतिबीचको सम्बन्धलाई अझ बलियो बनाउनेछ।” कार्यक्रममा क्याटालोनिया प्रदेशका सांसद एरनेस्तो कारिवनले संयोजनको भूमिका निर्वाह गरेका थिए। उनले बहुसांस्कृतिक समाज निर्माणमा सञ्चारकर्मीहरूको योगदानलाई महत्त्वपूर्ण भन्दै भने, “यो सम्मानले क्याटालोनियाको सामाजिक विविधता र सह-अस्तित्वको मूल्यलाई झल्काउँछ। यहाँ बसोबास गर्ने विभिन्न समुदायका सञ्चारकर्मीहरूले समावेशी समाज निर्माणमा पुर्याएको योगदान अमूल्य छ।” २० भन्दा बढी देशका प्रतिनिधिहरूको सहभागिता रहेको कार्यक्रममा नेपाली समुदायको समेत उल्लेखनीय उपस्थिति रहेको थियो। एनआरएनए स्पेनका पूर्व अध्यक्ष शालिकराम डुम्रे,पूर्व आईसीसी सदस्य दिनेश गिरी,महासचिव सुन्दर रानाभाट लगायतका व्यक्तित्वहरू समारोहमा सहभागी थिए।
जीएनएन न्युज। काठमाडौँ - हरेक वर्ष डिसेम्बर २१ लाई विश्व ध्यान दिवसको रूपमा मनाउने संयुक्त राष्ट्रसंघको घोषणालाई काठमाडौँस्थित ओशो तपोवनका संस्थापक स्वामी आनन्द अरुणले स्वागत गरेका छन्। लिकटन्सटाइन प्रस्तावक,भारत सहप्रस्तावक र नेपाल,श्रीलंका,मेक्सिको लगायतका मुलुकहरू समर्थक रहेको उक्त प्रस्तावलाई संयुक्त राष्ट्रसंघ साधारण सभाले गत डिसेम्बर ७ मा सर्वसम्मतिले अनुमोदन गरेको थियो। यो दिन ध्यानका परिवर्तनकारी फाइदाहरूलाई उजागर गर्न र शारीरिक, मानसिक तथा आध्यात्मिक कल्याणका लागि यसको अभ्यासलाई प्रोत्साहन दिन समर्पित छ। ओशो तपोवनका संस्थापक स्वामी आनन्द अरुणले विश्व ध्यान दिवस मनाउन सक्रिय अभियान चलाएका थिए। उनले वर्षौंदेखि ध्यानको महत्वबारे लेख लेख्दै र प्रवचनहरू दिंदै विश्व ध्यान दिवस मनाउनका लागि आह्वान गर्दै आएका थिए। २०१९ फेब्रुअरी १८ मा स्वामी अरुणले न्यूयोर्कस्थित संयुक्त राष्ट्रसंघका लागि नेपाल स्थायी मिसनमा यो प्रस्ताव प्रस्तुत गरे।मिसनका कार्यवाहक प्रमुख निर्मल राज काफ्लेले यो प्रस्तावलाई संयुक्त राष्ट्रसंघमा लैजाने सकारात्मक आश्वासन दिएका थिए। २०२३ को अक्टोबरमा संयुक्त राष्ट्रसंघका महासचिव एन्टोनियो गुटेरेसको लुम्बिनी भ्रमणका क्रममा यस प्रस्तावले थप गति प्राप्त गर्यो। तत्कालिन उपप्रधानमन्त्री नारायणकाजी श्रेष्ठले महासचिव समक्ष यो पहल औपचारिक रूपमा प्रस्तुत गरेका थिए। महासचिवले यस विचारको प्रशंसा गर्दै समर्थन जनाएका थिए। "हिमाल, नदी र पहाडहरूको सुन्दर भूमि नेपालले लामो समयदेखि आन्तरिक खोज र आध्यात्मिक परिवर्तनका लागि गन्तव्यका रूपमा ख्याति पाएको छ। डिसेम्बर २१ लाई अन्तर्राष्ट्रिय ध्यान दिवसको रूपमा संयुक्त राष्ट्रसंघले मान्यता दिएको देख्दा अत्यन्त हर्षित छु। यस ऐतिहासिक उपलब्धिमा नेपालको नेतृत्व देख्दा गर्व महसुस गर्दछु," स्वामी अरुणले भने। अब यो दिन विश्वभर ध्यानका कार्यक्रम, कार्यशाला र अभ्यासहरूद्वारा मनाइनेछ, जसले आन्तरिक शान्ति र विश्वव्यापी एकताको प्रवर्द्धन गर्ने अपेक्षा रखिएको छ । राष्ट्र संघले अहिले संसारभरि झन्डै २० देखि ५० करोड मानिसहरुले नियमित रुपमा ध्यान गर्ने गरेको जनाएको छ। यस अघि भारत सरकारको प्रस्तावमा संयुक्त राष्ट्र संघले २१ जुनलाई विश्व योग दिवस घोषणा गरेको थियो।
शीतलपाटीन्युज डटकम। अल्डरसट,लण्डन।क्रिप्टोकरेन्सी एवम डिजीटल करेन्सीको प्रयोगकर्ता नेपाली समुदाय SUMMIT युके समुहको दोस्रो बैठक सम्पन्न भएको छ। गत शनिबार ७ डिसेम्बर २०२४ मा लण्डनको अल्डरसटस्थित थकाली कुजन रेस्टुरेन्टमा “समिट” नेपाली समुदाय युकेको दोस्रो बैठक सम्पन्न भएको हो। उक्त बैठकमा जुममार्फत संस्थापक प्रमुख कार्यकारी अधिकृत (सीईओ) अनिल यादवले ले.कर्ण गुरुङलाई कोर अचिभरको पद तथा मर्सेडिज कार उपहार प्रदान गरे। जसको मूल्य बेलायती पाउण्ड झन्डै ७० हजार बराबर हुन जान्छ। समिटका अर्का कोर अफिसर मिलन गुरुङलाई पनि कोर अचिभरको पद तथा मर्सेडिस कार उपहार प्रदान गरेका थिए।मर्सेडिस कार उपहार SUMMIT Company स्थापना, संचालन र प्रचारप्रसारमा उल्लेख्य काम गरे बापत प्राप्त गर्नु भएको हो। सो कार्यक्रममा कोर अभिचर ले.कर्ण गुरुड्गले सीईओ यादवलाई जुममार्फत बैठकमा स्वागत गर्दै मिलन गुरुङलाई बधाई दिएका थिए। मिलन गुरुङको आमा ८४ वर्षीय ज्येष्ठ नागरिक बिनिमाया गुरुङले मैनबत्ति बालेर बैठक उदघाटन गरेएको थियो भने बैठकमा सबै भन्दा कान्छी उमेरकी रहिमा गुरुङको पनि उपस्थिति थियो। बैठकको मुख्य उद्देश्य समुदायका सदस्यहरुलाई एकैठाउँमा भेला गर्नु,नयाँ पद पाउने अचिभरहरुलाई प्रमाणपत्र वितरण गर्नु, लगानीमा रहेको MMIT Coin बारे जानकारी दिने रहेको आयोजकले जनाएको छ । SUMMIT नेपाली समुह युकेको बैठकमा रोनी श्रेष्ठ, बेल बुराथोकी र दिलरास गुरुङलाई पर्सनल टेस्टोमनी प्रदान गरिएको थियो भने समिट रनर,समिट फास्टर, समिट आर्मी,समिट अफिसर, म्याङ्गो अफिसर,वारियर अफिसर,अचिभर र कोर अचिभरजस्ता नयाँ दर्जा तथा पद पाउने अचिभरहरुलाई खादा लगाएर प्रमाणपत्र,चिया पिउने मग तथा टोकन अफ लभ वितरण गरिएको थियो। उक्त दिन ले.कर्णको श्रीमती प्रेरणा गुरुङको जन्मदिन परेकोले उनलाई सरप्राइज दिँदै केक काटिएको थियो। बैठकमा लेफ्टीनैन्ट कर्णले क्रिप्टोकरेन्सीको MMIT टोकनको बारेमा बिस्तृत जानकारी दिदै गर्दा "यो मन त नेपाली हो" भन्ने नेपाली गीत बजाएर कार्यक्रम सुरुआत गरीएको थियो। कार्यक्रम समीट समुहका महासचिव अशोक राईले संचालन गरेका थिए। बैठकमा २३ जना विभिन्न तहका अचिभरहरुको उपस्थित रहेको थियो। बैठकमा सहभगीहरुले समिट समुदायका लागि अति नै फलदायी र अविष्मरणीय रहेको बताएका थिए। लगानीको प्रोसेश र लगानी बृध्दी अनुसार टोकनको मुनाफा दिने यो Coin को एक्चेन्ज पनि रहेको कार्यक्रममा बुझाईएको थियो। नोट जल्ने,चोरी हुने,राख्ने
शीतलपाटीन्युज डटकम। लन्डन। तमु धीं यूकेको सिल्भर जुब्ली एवं ल्होछार कार्यक्रम सफल बनाउने उध्देश्य सहित तमु धीं लन्डन इकाईको १७औँ साधारणसभा सम्पन्न भएको छ। तमु धीं लन्डन इकाईको ८ डिसेम्बर २०२४ मा गोल्डेन सिप रेस्टुरेन्टमा साधारण सभा भएको हो। तमुधि लण्डन इकाईका अध्यक्ष भरत गुरुङको अध्यक्षतामा भएको कार्यक्रममा तमु धीं यूकेका अध्यक्ष हरि गुरुङ प्रमुख अतिथी रहनु भएको थियो। महासचिव रक गुरुङले सञ्चालन गरेको सो साधारण सभामा स्वास्थ्य तथा सुरक्षा सम्बन्धी जानकारी गराएको थियो। सो साधारण सभामा उपस्थित सबैलाई लन्डन इकाईका वरिष्ठ उपाध्यक्ष ईश्वर गुरुङले स्वागत गर्दै स्वागत मन्तव्य राख्नु भएको थियो। ईकाईका अध्यक्ष भरत गुरुड्ग,प्रमुख अतिथि तमुधि युके अध्यक्ष हरी गुरुड्ग,बार्नेट बरो अफ लन्डनका पुर्व उपमेर एवम काउन्सिलर लक्ष्य बहादुर गुरुङ,आमा अध्यक्ष देवकला गुरुङ,पूर्वअध्यक्ष एवं ट्रस्टी डेबिड गुरुङले संयुक्त रूपमा दिप प्रज्वलन गर्दै कार्यक्रम उद्घाटन गर्नु भएको थियो। साधारण सभाको उदघाटन अतिथि तथा वक्ताहरूले शुभकामना मन्तव्य राख्नु भएको थियो। सभामा ट्रस्टी रि. क्या.प्रेम बहादुर गुरुङ,ट्रस्टी डेबिड गुरुङ,धनकाजी गुरुङ,हुम कुमारी गरुङ,निवर्तमान अध्यक्ष विष्णु गुरुङ,प्रमुख सल्लाहकार लक्ष्य बहादुर गुरुङ,सल्लाहकारद्वय सोंपाल समाज यूकेका संस्थापक अध्यक्ष विजय गुरुङ र वर्तमान अध्यक्ष जगदीश गुरुङले शुभकामना मन्तव्य र आआफ्नो धारणा राख्नु भएको थियो। सो साधारणसभामा महासचिव रक गुरुड्गको वार्षिक प्रतिवेदन,कोषाध्यक्ष प्रेमराज गुरुङको आर्थिक प्रतिवेदन, आमा समूहको वार्षिक प्रतिवेदन र आर्थिक प्रतिवेदन पेश गरीएकोमा सभाहलमा उपस्थित सबैको गुञ्जायमान ताली र समर्थनको साथ अनुमोदन गरियको थियो। सो अवसरमा प्रमुख अतिथि एवं तमु धीं यूकेका अध्यक्ष हरि गुरुङले तमु धीं लन्डन इकाईको वेबसाइट पनि शुभारम्भ गर्नु भएको थियो। सभाहलमा उपस्थित अग्रज तथा मान्यजनले महत्पूर्ण सान्दर्भिक सल्लाह सुझाव दिनु भएको थियो। प्रमुख अतिथि एवं तमु धीं यूकेका अध्यक्षले तमु धीं लन्डन इकाईको संगठन एकबद्धता र हरेक कार्यक्रम सफल भएको र भावी दिनमा अझै धेरै उत्तरोत्तर प्रगतिको शुभकामना व्यक्त गर्नु भएको थियो। ‘तमु धीं यूकेको अभिन्न अगंका रूपमा लन्डन इकाई कोसेढुगं साबित भै मेरो कार्यकालमा अझै धेरै सहयोग गर्नु भएकोमा आभार प्रकट गर्दै,लन्डन इकाईको लागि सहयोग गर्न तमुधीं यूके हर हमेशा तत्पर छु,’ उहाले प्रतिबध्दता जनाउनु भयो।
शीतलपाटीन्युज डटकम। लन्डन। नेपाल देखि बेलायत आएर बसोबास गरेका नेपालीहरुलाई सजिलै मनोरन्जनात्मक कार्य उपलब्ध गराउने उदेश्यले कार्यक्रम राखिएको समाचार प्राप्त भएको छ। बेलायतमा एक दशकभन्दा बढी समयदेखि विभिन्न नेपाली इभेन्ट आयोजना गर्दै आएको सनराइज् इभेन्ट्सले अब फोटोग्राफी सेवा समेत दिन थालेको कुरा कार्यक्रमका डाइरेक्टर प्रकास कडेलले बताउनु भएको छ। बेलायतको नेपाली समुदायमा चिरपरिचित प्रकाश कंडेल सञ्चालक रहेको सनराइजबाट अब इभेन्टका साथसाथै फोटोग्राफी सेवा पनि दिन थालिएको हो । सनराइज् इभेन्टस् एन्ड फोटोग्राफीका सञ्चालक कंडेलले बेलायतभर जुनसुकै अवसरका लागि पनि फोटो तथा भिडियोग्राफी सेवा उपलब्ध गराइने बताएका छन। विवाह,व्रतवन्ध,पास्नी, एनिभर्सरी,जन्मदिन जस्ता पारिवारीक उत्सवदेखि विभिन्न संस्थाका कार्यक्रम र व्यवसाय प्रवर्द्धनका लागि समेत सेवा दिइने कडेल बताउँछन् । आफ्नो समूहमा दक्षता र अनुभव भएका फोटोग्राफर,भिडियोग्राफर र एडिटर रहेको कंडेलले जानकारी दिएका छन। दक्ष र अनुभवी टीम लिएर हाम्रो सेवा सुरु गरेका छौं। प्रतिस्पर्धात्मक दरमा गुणस्तरीय फोटो तथा भिडियो उपलब्ध गराउँछौं’, उनी भन्छन्,’हामीलाई सेवाको अवसर दिनेहरुलाई प्रभावित तुल्याउने स्तरको काम हामी ग्यारेन्टी गर्छौं।’ यसअघि कंडेलले विगत एक दशकभन्दा बढी समयदेखि सनराइज इभेन्टसमार्फत् बेलायतमा विभिन्न कार्यक्रम आयोजना गर्दै आएका थिए। मुख्यतः साउथ इष्ट लन्डनमा केन्द्रित रहेका उनले कयौं नेपाली चलचित्र प्रदर्शनी र नेपाली राष्ट्रिय कलाकारका सांगीतिक कार्यक्रमहरु गरिसकेका छन्। प्रकाश सपूतजस्ता चर्चित कलाकारका साथ उनले मिडल्यान्डसम्म पुगेर समेत सफलतापूर्वक कार्यक्रम आयोजना गरेका छन्। कंडेल बेलायतमा आयोजना हुने विभिन्न कार्यक्रमहरुको प्रत्यक्ष प्रसारकका रुपमा समेत सक्रिय रहंदै आएका छन्। (श्रोत-नेपाली लिंक)
हार्दिक बधाई एवम् सफल कार्यकालको शुभकामना ।💐 तमू धीं युकेको १३औं अधिवेशनबाट अध्यक्ष पदमा निर्बिरोध निर्वाचित हुनु भएकोमा गुरुङ साहित्यिक मञ्च नेपालका आजीवन सदस्य, कृयाशील समाजसेवी आदरणीय जुमकाजी गुरुड्गज्यु तथा सम्पूर्ण कार्यसमितिका पदाधिकारीहरुलाई हार्दिक बधाई एवम् सफल कार्यकालको शुभकामना ब्यक्त गर्दछु। शुभेक्षक बाचस्पति रेग्मी पुर्व डिएसपी प्रधान सम्पादक, शीतलपाटीन्युज डटकम।
शीतलपाटीन्युज डटकम। अल्डरसट,लण्डन। कला संस्कृतीको जगेर्ना गर्दै बेलायत बसोबास गरेका मगर समुदायले माघे संक्रान्ती पर्व मनाउने भएको समाचार प्राप्त भएको छ। पौष महिनामा जुन दिन सूर्य मकर राशिमा प्रवेश गर्छ सो दिन यो माघे संक्रान्ती पर्व मनाउने चलन छ। मगर समुदायको प्रमुख पर्व माघे संक्रान्ती मनाउन हिजो ०८ डिसेम्बर २०२४ मा बसेको समितीको बैठकले मगर एसोसीयसन युके U.H.S.B शाखाले गुल्मी समाज युकेका पुर्व अध्यक्ष बीर बलाललाई संयोजक तोकेको कुरा मगर एसोसीयसन युके U.H.S.B शाखाका अध्यक्ष ऋषिराम रानाले शीतलपाटीन्युज डटकमलाई जानकारी दिनु भएको छ। ११ जनवरी २०२५ को ११:०० बजे देखि २२:०० सम्म हुने उक्त कार्यक्रम समुयलकोडी स्पोर्टस कलेल GU14 8SN मा हुने छ। ११ बजे देखि १३ बजेसम्म परम्पराबाट चल्दै आएको पितृहरुलाई संझदै पितृपुजा,१३ बजे देखी २२ बजेसम्म मनोरन्जनात्मक सास्कृतिक कार्यक्रम, चिठ्ठा राफल ड्र, स्वादिष्ट नेपाली खानाका साथ मनाईने भएको छ। बयस्कलाई £२० पौण्ड तथा सिनियर सीटीजन र बच्चा ६ बर्ष देखि १२ बर्ष सम्मलाई £१२ पौण्डको ब्यवस्था गरीएको सो कार्यक्रममा इच्छुक सबैलाई निमन्त्रणा गरीएको छ। नेपालबाट राष्ट्रिय कलाकार देवि आले र प्रसाद खप्तरी मगर आउने सो माघे संक्रान्ती पर्वमा स्थानिय कलाकार समेतको बेजोड प्रस्तुती रहने कार्यक्रम संयोजक बीर बलालको भनाई छ। अन्य जानकारी आवस्यक परेमा पोष्ट गरीएको फ्याएर मार्फत जानकारी लिन सम्पर्क गर्न सक्नु हुने छ।
GNNNEWS- लन्डन। युरोपमा रहेका नेपाली स्वास्थ्यकर्मीहरूले आफु संग रहेको सीप र दक्षता नेपाल को स्वास्थ्य सेवा सुधार्न सहकार्य गर्न इच्छुक रहेको बताएका छन्। यही डिसेम्बर महिनाको अन्त्यमा स्वास्थ्य मन्त्रालयले काठमाडौँमा योजना गर्न लागेको स्वास्थ्य कन्क्लेभको तयारी स्वरुप सोसाइटी फर नेप्लिज हेल्थ केयर प्रोफेसनल्स इन युरोपले आइतबार प्रि-कन्क्लेभ योजना गरेको थियो। कार्यक्रममा विभिन्न देशमा बसोबास गरिरहेका आठ स्वास्थ्य विशेषज्ञहरूले नेपालमा आफ्नो सहभागितामा सम्पन्न प्रोजेक्टहरूबारे प्रस्तुति दिएका थिए। नर्वेका प्रा डा दीपक सापकोटा,काठमाडौँ विश्व विद्यालयमा कार्यरत एसोसियट प्राध्यापक डा कौशलकिशोर तिवारी, स्वीडेनमा कार्यरत डा दीपराज थापा, बेल्जियममा कार्य रत डा राजु श्रीवास्तव,जर्मनीमा कार्यरत डा सागर धिताल, अमेरिकामा कार्यरत डा कृष्णप्रसाद खनाल, बेलायतमा कार्यरत डा बच्चु कैलाश कैनी र स्वीजरल्यान्डमा कार्यरत डा विनयकुमार श्रेष्ठले विभिन्न अनुसन्धान तथा परियोजना बारे प्रस्तुति दिएका थिए। कार्यक्रममा पोल्याण्डक लागि नेपाली मानार्थ वाणिज्यदूत डा बोधराज सुवेदी,गैरआवासीय नेपाली संघ (एनआरएनए) का पूर्व उपाध्यक्ष अर्जुनकुमार श्रेष्ठ,डा प्रकाश थपलिया,डा भीमप्रसाद सापकोटा,डा विराज कर्माचार्य लगायतले आफ्नो मन्तव्य प्रस्तुत गरेका थिए। वक्ताहरुले नेपालको स्वास्थ्य क्षेत्रमा डायस्पोराको भूमिकाबारे आफ्ना विचार राख्दै नीतिगत सुधार र सहकार्यको खाँचो औंल्याए। संस्थाका अध्यक्ष डा विनयकुमार श्रेष्ठको अध्यक्षतामा सम्पन्न कार्यक्रममा नेपालमा सञ्चालित प्रोजेक्टहरूमा देखिएका चुनौतीहरू र तिनको समाधानका उपायहरूबारे पनि गहन छलफल भएको थियो। सहभागीहरूले विदेशमा सिकेको ज्ञान,सीप र स्रोत साधनलाई नेपालको स्वास्थ्य क्षेत्रमा उपयोग गर्न थप सहकार्य र निरन्तरताको आवश्यकता रहेकोमा जोड दिए। कार्यक्रममा प्रमुख अतिथि स्वास्थ्य मन्त्री प्रदीप पौडेलले युरोपमा रहेका नेपाली स्वास्थ्यकर्मीहरूलाई विदेशमा आर्जित ज्ञान र अनुभवलाई नेपालको स्वास्थ्य क्षेत्रमा प्रयोग गर्न आह्वान गरे। उनले यसका लागि कानूनी र नीतिगत वातावरण बनाउन सरकार प्रतिबद्ध रहेको बताए। “देशमा लोकतन्त्र त आयो,तर जनताले त्यसको महशुश गर्ने अवस्था बनेको छैन। विदेशमा आर्जन गरेको तपाईंहरुको अनुभवले नेपालको स्वास्थ्य क्षेत्रमा सकारात्मक परिवर्तन ल्याउन सक्छ। मन्त्रालयले आयोजना गर्न लागेको कंक्लेभले विशेष कार्यक्रम आयोजना गरी स्पष्ट नीति तय गरिनेछ,”मन्त्री पौडेलले भने । नेपालमा स्वास्थ्य तथा जनसंख्या मन्त्रालयले आगामी डिसेम्बर २६ र २७ तारिखमा काठमाडौंमा ‘नेपाल स्वास्थ्य सम्मेलन २०२४’ आयोजना गर्न लागेको छ। उक्त सम्मेलनको मुख्य उद्देश्य नेपालका
आर के त्रिपाठी लेख्छन् - सिरियाका राष्ट्रपति असद आज बंगलादेशका राष्ट्रपति शेख हसिना,श्रीलंकाका राजापक्षे जस्तै Plane चढेर भागे। सिरियाका राष्ट्रपति असदको २४ बर्षे र असादको परिवारको ५१ बर्षे कुशाषनको नराम्ररि अन्त्य भयो।Damascus बिद्रोहीहरुको कब्जा भयो। 10 बर्ष सम्म चलेको यो काटमार लाई सिरियन राष्ट्रपति असदले समयमै परिस्थिति नियाली जनतालाई भरोशा दिने कार्यक्रम ल्याएनन्। हो,विद्रोहीहरु इस्लामिक अतिवादी थिए। विद्रोहीको आन्दोलन समर्थन गर्न लाएक थिएन।सिरियन राष्ट्रपति असदले विद्रोही इश्लामिक आन्दोलन दवाउन इरान र Russia वाट पुटिनको हतियार सहयोग मागे।अमेरिका जसरि पनि पुटीन र इरानको रणनिती निस्तेज गर्न चाहन्थ्यो/अमेरिका विद्रोहीहरुको पक्षमा पनि थिएन तर सिरियन राष्ट्रपति असद हटाउन चाहन्थ्यो किनकी सिरिया,इरान र रूसबाट इजरायलमा Threat थियो।त्यसैले सिरियन राष्ट्रपति असद हटाउन विद्रोहीहरुलाई एक हद सहयोग गऱ्यो। 10 बर्ष काटमार चल्यो।बम गोला बारुद चल्यो। लाखौं मानिस मारिय।लाखौं सिरियन विस्थापित भए।सिरियाको राष्ट्रपतिले समयमै गहिरो सोच गरि समयमै सोचेर पद र सत्ताको लोभ नगरी मध्यस्थता मार्फत युद्ध अन्य गर्न र परिस्थिति बुझेर क्रमबद्ध रूपमा उनकै पार्टी भित्रवाट Power Transation गरेको भए यो काटमार हुने थिएन वा सर्वदलिय सहमतीको सरकार बनाउन वार्ता मार्फत आहवान गरि सहकार्य गर्न समयमै अघि बढेको भए राम्रै हुने थियो। लाखौं मानिस मारिने थिएन।विस्थापित हुने थिएन तर Russia इरान र अमेरिकाको कोपभाजनमा सिरिया पऱ्यो। आज सिरियाको राष्ट्रपती Plane चढेर सिरियाको राजधानी Damascus बाट श्रीमती र बच्चाहरु लिएर Russia तर्फ भागे। राजनैतिक शरण लिए।इस्लामिक विद्रोहीहरुले Damascus मा कब्जा जमाए।झण्डा फरफहराय। असद परिवारले ५१ बर्ष सिरियामा शाषन गऱ्यो।अन्तत जनताले थुके।५१ बर्ष शाषन गर्दा पनि असाद परिवारलाई सत्ताको लोभ र चरम महत्वकांक्षाले छोडेन।अन्तत देश छोडेर भाग्नु पऱ्यो। असादलाई वरिपररीवाट उकास्ने,चाकरि गर्ने हरुलाई त आफूले राम्रो सल्लाह दिएको र जनताले असादको पक्षमा जय जयकार गरेको लागेको थियो होला तर वास्तविकता त्यो थिएन। सिरियन राष्ट्रपति असाद लामो समय सम्म शाषनमा रहे पनि असफल भईरहेका थिए।अलोकप्रियता चुलिएको थियो। असाद एक हद दुबै आँखा नदेख्ने घृतराष्ट्र जस्तै थिए।दुर्योधन जस्तै अहंकारी थिए। अन्तत गन्हाईए।असाद धपाईए।रोई रोई भागेर Russia पुगी शरण पाए।सिरियन राष्ट्रपति असादको परिवारले ५१ बर्ष शाषन गरे ।शक्तिमा राज
शीतलपाटीन्युज डटकम। लण्डन। बेलायत बसोबास गरेका नेपालीहरुको सामाजीक संगठन गैरआवासीय नेपाली संघ (एनआरएनए) यूकेको काउन्सिल बैठक आगामी मार्च महिनाको पहिलो साता हुने भएको छ। गैरआवासीय नेपाली संघ यूकेका अध्यक्ष हितकाजी गुरुङ्गको अध्यक्षतामा आइतवार अल्डरशटमा बसेको बैठकले काउन्सिल बैठक मार्च २ तारिख आइतवार अल्डरशटमा आयोजना गर्ने निर्णय गरेको हो। सो बैठकमा बेलायतस्थित सम्पूर्ण सामाजिक संघसँस्थाहरुको प्रतिनिधित्व रहने छ। सो बैठक सम्पन्न गर्नको लागि उपाध्यक्ष लिलाराम निउरेको संयोकत्वमा एक उपसमिति गठन गरिएको छ। बैठकमा गैरआवासीय नेपाली संघका सल्लाहकार चिरन्जीबी ढकालले एनआरएनए यूकेले गरेका गतिविधिले समाजमा सकरात्मक सन्देश दिएको बताए। उनले गैरआवासीय नेपाली संघको निर्वाचनको विषयलाई लिएर एनसीसीहरुलाई अन्योलमा नपर्न आग्रह गरे।उनले गैरआवासीय नेपाली संघको अभियानमा भूतपूर्व गोर्खाहरुको महत्वपूर्ण भूमिका रहेको बताएका थिए। सो बैठकमा गैरआवासीय नेपाली संघका उपाध्यक्ष रामशरण सिमखडाले गैरआवासीय नेपाली संघका गतिविधिका बारेमा प्रकाश पारेका थिए। बैठकमा बोल्दै गैरआवासीय नेपाली संघका उपमहासचिव सोम सापकोटाले राष्ट्रिय समिति स्वायत्त भएको हुँदा नियमित कार्यक्रम अघि बढाउन आग्रह गरे। उनले नेपालको न्यायलयले संस्थाको वैधानिकताको बारेमा निकास दिएकाले निर्धक्क भएर साझा एनआरएनए बनाउनका लागि सुझाव दिएका थिए। एनआरएनए गोर्खा कार्यदलका संयोजक चन्द्र बहादुर गुरुङ्गले बेलायतमा नेपाली भाषा कक्षाको आवश्यकता रहेको विचार व्यक्त गरे। उनले एनआरएनए यूकेको अभियानमा आफ्नो पूर्ण समर्थन र सहयोग रहने बताए। बैठकले गैरआवासीय नेपाली संघको सदस्यता वितरण १५ जनवरी २०२५ देखि ३१ मई २०२५ भित्र गर्ने निर्णय गरेको छ। गैरआवासीय नेपाली संघ यूकेको निर्वाचन आगामी १२ जुलाईमा एमआईएसको प्रयोग गरेर अनलाईन मार्फत मतदानको व्यवस्था गर्ने बैठकले निर्णय गरेको छ। बैठकले एनआरएनएका उपाध्यक्ष रामशरण सिमखडालाई निर्वाचन समितिको संयोजक तोकिएको छ। सदस्यता शुल्क १० पाउण्ड तोकिएको छ। बैठकले जुनको पहिलो साता एउटा च्यारिटी कार्यक्रम (अर्न एण्ड एजुकेट) को आयोजना गर्ने निर्णय गरेको छ। एनआरएनए यूकेको सदस्यता प्रमाणीकरणको लागि अध्यक्ष हितकाजी गुरुङ्ग, महासचिव गोविन्द खरेल, कोषाध्यक्ष विष्णु खरेल र निर्वाचन आयुक्त रहेको एक समिति गठन गरिएको छ। बैठकमा गैरआवासीय नेपाली संघका सल्लाहकार चिरन्जीबी ढकाल,उपाध्यक्ष रामशरण सिमखडा,उपमहासचिव सोम सापकोटा, आइसीसी सदस्यहरु चन्द्र बहादुर गुरुङ्ग,विष्णु चालिसे, चिरन शर्मा,डा.मुकुन्द बास्तोला र सरस्वती केसीको उपस्थिति थियो।
शीतलपाटीन्युज डटकम। लन्डन । तमु धी युकेले हालै गठन गरेको निर्वाचन समितीको कार्यक्रम अनुसार तमु धीं यूकेका बरिष्ठ उपाध्यक्ष जुमकाजी गुरुङ अध्यक्ष पदमा निर्विरोध चयन हुनु भएको छ। १३ औं अधिवेशन अन्तर्गत शनिबार भएको मनोनयन दर्तामा अध्यक्षमा गुरुङ लगायत सम्पुर्ण उम्मेदवारीहरु निर्बिरोध परेकाले निर्विरोध घोषणा भएको निर्वाचन मण्डलका संयोजक एकेन्द्र गुरुङले जानकारी दिनु भएको हो। संयोजक गुरुड्गका अनुसार अध्यक्ष जुमकाजी गुरुड्ग नेतृत्वको नयाँ कार्यसमितिको २९ जना नै निर्विरोध हुनु भएको छ । अध्यक्षमा चयन भएका जुमकाजी यसअघि वरिष्ठ उपाध्यक्ष रही तमु धी युकेमा उत्कृष्ट कार्य सम्पादन गर्नु भएको थियो। उपाध्यहरुमा पर्शु गुरुड्ग,कमल गुरुड्,दिलमाया गुरुड्ग, महासचिवमा डा बिशाल गुरुड्ग,सहसचिवमा बिमल गुरुड्ग निर्बिरोध हुनु भएको समाचार छ। अध्यक्ष लगायत सबै पदाधिकारीहरु तथा सदस्यहरु १४ डिसेम्बर २०२४ तारिखमा हुने २५औँ वार्षिक साधारणसभा तथा १३औँ अधिवेशनमा औपचारिक घोषणा गरिने र पदस्थापन गरीने निर्वाचन संयोजक गुरुड्गले बताउनु भएको छ।
'GNNNEWS- लन्डन - प्रवासमा हुर्कीरहेका नेपाली बालबालिकालाई नेपाल चिनाउन नेपाली कक्षाहरु संचालन गर्नु पर्ने सुझाव दिइएको छ। एनआरएनए युके तथा नेप्लिज इन युकेद्वारा शनिबार लन्डनस्थित नेपाली दूतावासमा आयोजित 'सामाजिक संजालको प्रयोग र नेपाली भाषाको संरक्षण' विषयक अन्तरक्रियालाई सम्बोधन गर्दै कवि तथा लेखक नारायण गाउँलेले प्रवासमा हुर्की रहेका बालबालिकाहरुलाई नेपाली सिक्न उत्प्रेरित गर्नु पर्ने आवश्यकता रहेको बताए। उनले दोश्रो पुस्ताका नेपालीलाई नेपालसंग जोड्न भाषा एक महत्वपूर्ण माध्यम रहेको भन्दै संसारभरि रहेका नेपालीलाई एउटा 'मुलुक' मानेर नेपाल सरकारले नीति तथा कार्यक्रम ल्याउनु पर्ने सुझाव दिए। एनआरएन अभियन्ता सेवानिवृत्त लेफ्टिनेन्ट चन्द्र गुरुङले आफुहरुले आफ्ना नानीहरुलाई नेपालसंग जोड्न प्रयास गरि रहेको र यसमा नेपाल सरकारले पनि मदत गर्नु पर्ने बताए। शैक्षिक अभियन्ता राजेन्द्र थापा मगरले नेपाली बच्चालाई नेपाली माटो, देश, संस्कृति र भूगोल चिनाउने एक मात्रै माध्यम भाषा भएको बताए। मर्जिंग नेपाल सक्सका अध्यक्ष पवन कडेलले क्याम्ब्रिज विश्वविद्यालयले 'ओ' लेभेलको नेपाली विषयको प्रश्नपत्रहरु तयार गरि रहेको भन्दै विदेशमा बसेर पनि नेपाली सिक्न सक्ने वातावरण बनाउन आग्रह गरे। बीबीसी नेपाली सेवाका पूर्व पत्रकार भगीरथ योगीले विभिन्न मुलुकमा संचालित नेपाली पाठशालाहरुमा गुणस्तरीय शैक्षिक सामग्री र दक्ष शिक्षकको अभाव रहेको बताए। उनले प्रविधिको प्रयोग गरी शैक्षिक सामग्रीको उत्पादन र वितरण गर्न तथा त्यस्तो काममा सघाउन सबै संघसंस्था र दूतावासहरुलाई आग्रह गरे। बेलायतका लागि नेपालका कार्यवाहक राजदूत बिपिन दुवाडीले नेपाली भाषा, संस्कृति जोगाएर मात्रै नेपाली गौरव र नेपालीपन कायम राख्न सकिने बताए। उनले प्रवासमा हुर्की रहेका नेपाली बालबालिकालाई नेपाली भाषा र संस्कृति सिकाउदै नेपालसंग जोड्न दूतावासले पहल गर्ने र राज्यले पनि सहयोग गर्ने जनाए। 'सामाजिक संजालको प्रयोग' सम्बन्धी सत्रमा बोल्दै हाल बेलायतको भ्रमणमा रहेका 'रुटिन अफ नेपाल बन्द, का संस्थापक भिक्टर पौडेलले नेपालमा सामाजिक संजाल नियमन गर्न आवश्यक भएको बताए। उनले सामाजिक संजालमा देखिएको बेथिति नियन्त्रण गर्न खबरदारी गर्ने निकाय हुनु पर्ने धारणा राखे। 'नेप्लिज इन युके' का बिरेन्द्र नेपालले सबैलाई स्वागत गरेका थिए भने रबिन भारतीले कार्यक्रमको उद्देश्य बारे प्रकाश पारे। एनआरएनए युकेका उपाध्यक्ष मनीष खत्रीले कार्यक्रम संचालन गरेका
शीतलपाटीन्युज डटकम। लन्डन। तमु प्ये ल्हु संघ युकेले बेलायतको रेडिङमा आफ्नै सामुदायिक भवन खरिद गरेको समाचार छ। सामुदायिक भवन तथा क्होँईबों निर्माण योजना अन्तर्गत तमु प्ये ल्हु संघले शुक्रबार घर किनेको हो। नयाँ घरको चाबी शुक्रबार बुझेको संघका अध्यक्ष क्या. (रि) डेमबहादुर योज तमुले जानकारी दिनु भएको छ। लामो समयको पर्खाइलाई अन्त्य गर्दै संस्थाको भवनको चाबी लिन सफल भएकोमा अध्यक्ष क्या (रि) डेमबहादुरले खुसी व्यक्त गर्नु भएको छ। ‘यसबाट मलाई सुकून मिलेको महसुस भएको छ भने सम्पूर्ण सदस्यलगायत शुभचिन्तकको प्रतीक्षाको घडी पनि सकिएको छ। शुभचिन्तकहरुले दिनुभएको साथ सहयोग, सद्भाव र सहानुभूतिले यो काम सम्पन्न भएको हो। यहाँहरूको सहयोग र दानबिना यो कार्य सम्पन्न हुने थिएन,’ उहाको भनाई छ। चाबी बुझ्ने कार्यक्रममा अध्यक्षसहित संस्थापक अध्यक्ष अशोक ल्हेंगे, पूर्वअध्यक्ष जगत प्हच्यु,सचिव भेग च्हाक्ली,कोषाध्यक्ष याम प्हच्यु,तृतिय उपाध्यक्ष डमर टु क्ल्हेप्री,सुवाससिंह लेम्,आमा समूह अध्यक्ष बबिता पहच्यु गुरुड्ग र पिताम्बर ल्होँ तमु लगायतको उपस्थिति रहेको थियो। खरिद गरीएको भवन,जग्गा र प्रसासनिक खर्च समेत गरी अनुमानित मुल्य ९ लाख पाउण्ड रहने सचिव भेग च्हाक्ली गुरुड्गले बताउनु भएको छ। कार्यक्रममा उपस्थित भएर हौसला र सहानुभूति प्रकट गर्ने सबैलाई अध्यक्ष क्या. (रि) डेम बहादुरले धन्यवाद दिनु भएको छ। यसबारे थप कुराकारी शनिबारको बैठकमा हुने उनले जनाईएको छ। परम्परा अनुसार घर पैँचोको लागि पूजा गर्न खेगी (पैंडी) लाई दिन हेराउन लगाएको समेत अध्यक्ष क्या रि डेमबहादुरले बताउनु भएको छ। पहिले स्थानीयस्तरमा विद्यालय सञ्चालन रहेको भवन तमु प्हे ल्हु संघले किनेको हो। भवन दुई तले रहेको छ। जहाँ ३ सय भन्दा बढी क्षमताको ठूलो हल र मिनी साइजको हलसहित खेल मैदान,बगैंचा र बाहिर तथा भित्र कारपार्क लगायत सुविधा रहेको तमु प्ये ल्हु संघले जनाएको छ। (श्रोत-गोर्खा मिडीया)
शीतलपाटीन्युज डटकम। लन्डन । बेलायतमा बसोबास गरेका नेपालीहरुको सबै भन्दा ठुलो समुह तमु धीं यूकेको १३औं नया कार्यसमितिका लागि निर्बाचन मण्डल घोषणा गरिएको छ । आगामी १४ डिसेम्बर २०२४ मा हुने १३ औं अधिवेशनका लागि एकेन्द्र गुरुङ संयोजक रहेको निर्वाचन मण्डलमा सल्लाहकार मेजर कृष्ण गुरुङ र सल्लाहकार क्याप्टेन बालकृष्ण गुरुङ सदस्य रहेका छन्। एकेन्द्र गुरुड्यग यसअघि बाह्रौं कार्यसमितिमा निर्वाचन मण्डल संयोजक थिए। मीन गुरुड्ग सिक्लिसे संस्थापक अध्यक्ष रहेको तमुधि युकेमा अध्यक्ष हरि गुरुङको अध्यक्षतामा २५औँ वार्षिक साधारणसभा र कार्यसमितीको निर्वाचन समेत हुने छ। तमु धीं यूकेको वर्तमान अध्यक्ष हरि गुरुङ २६ डिसेम्बर २०२२ मा भएको अधिबेशनबाट दुई वर्ष कार्यकाल शिक्षा,स्वास्थ्य,खेलकुद, समाज सेवाका रुपमा धेरै काम पुरा भएकोले नयाँ कार्यसमितिका लागि निर्वाचन प्रक्रिया सुरु भएको हो।
शीतलपाटीन्युज डटकम। लन्डन।विश्व अपांगता दिवसको अवसर पारेर गुल्मी जिल्ला समाज यूकेले आयोजना गरेको च्यारिटी कार्यक्रममा करिब १५ लाख संकलन भएको समाचार प्राप्त भएको छ। मिडल्यान्डको मार्केट हारबरोस्थित हारबरो टाउन कम्युनिटी फुटबल ग्राउन्डको हलमा डिसेम्बर १ तारिख आइतबार सम्पन्न अपांगता दिवस च्यारिटी कार्यक्रमबाट उक्त रकम संकलन भएको कुरा गुल्मी समाज युकेका अध्यक्ष रुद्र थापाले बताउनु भएको छ। संकलित रकम विगत जस्तै नेपालमा अपांगताकै क्षेत्रमा सहयोग गरिने समाजका अध्यक्ष थापाले बताउनु भएको छ। समाजले विगत १३ वर्षदेखि बेलायतमा च्यारिटी कार्यक्रम गरी रकम उठाएर नेपालमा अपांगता भएकाहरुको लागि सहयोग गर्दै आएको छ। यसपटक पनि हामी त्यसैलाई निरन्तरता दिन्छौं’,अध्यक्ष थापाले भनेका छन। अपांगताकै क्षेत्रमा पनि यसपटक फरक ढंगले सहयोग गरौं भन्ने हाम्रो सोच छ। अक्षयकोष स्थापना गरेर देशैभर आवश्यकता अनुसार सहयोग गर्न सकिए बढी प्रभावकारी हुन्थ्यो कि भन्ने पनि लागेको उहाको भनाई थियो। समाजले अब अपांगता भएका व्यक्तिहरुको सीप तथा क्षमता विकासका लागि तालिमजस्ता उत्पादनमुलक कार्यमा लगानी गर्ने र त्यसबाट तत्काललाई मात्रै नभइ दीर्घकालिन रुपमै सहयोग उपलब्ध हुने विश्वास उहीले व्यक्त गर्नु भएको थियो। गुल्मी जिल्ला समाज युकेका अध्यक्ष रुद्र थापाको अध्यक्षतामा सम्पन्न उक्त च्यारिटी कार्यक्रममा प्रमुख अतिथि लन्डन दूतावासका प्रथम सचिव उद्धव न्यौपाने रहनु भयको थियो। कार्यक्रममा शुभकामना मन्तव्य राख्दै प्रमुख अतिथी न्यौपानेले नेपालमा अपांगता भएकाहरुको लागि गुल्मी जिल्ला समाजले पुर्याउंदै आएको सहयोग प्रशंसनीय रहेको बताउनु भएको थियो भने विशेष अतिथिहरु एनआरएनए यूके अध्यक्ष प्रेम गाहामगर,एनआरएनए यूके महासचिव गोविन्द खरेल,समाजका पूर्व अध्यक्ष अर्जुन गौतम,ट्रस्टी रणबहादुर खाती क्षेत्री, सल्लाहकार कमल भण्डारी, साझा नेपाली समाज यूके अध्यक्ष दीपक सापकोटा,सिर्जनशिल लेष्टर नेपाल अध्यक्ष पुण्डरी अर्याल, स्थानीय समाजसेवी जुडिथ स्मिथ,चन्द्र सहानी,विष्णु चालिसे,नारायण फुयाल,शसांक शर्मा,महेश अधिकारी लगायतले मन्तव्य राख्दै समाजका परोपकारी कार्यको प्रशंसा गरीएको थियो। सो अवसरमा समाजका पूर्व अध्यक्ष राम गलामीले अपांगता दिवससम्बन्धि एक प्रिजेन्टेसन गर्नु भएको थियो। महासचिव महलाल घिमिरेले सञ्चालन गरेको कार्यक्रम संयोजक एवम् उपाध्यक्ष मुकुन्द खरालले स्वागत तथा सहसंयोजक सुरेश केसीले धन्यवाद मन्तव्य राख्नु भएको थियो।उक्त अवसरमा अध्यक्ष थापाले कार्यक्रम सफल पार्न जुट्ने र सहयोग गर्ने सबैलाई धन्यवाद दिनु भएको
GNNNEWS- London - Nepal Foods, a UK-based company, has been awarded the prestigious title of the Best Nepalese Brand of the Year 2024 at the 9th Asian Food and Restaurant Awards International. The award ceremony took place on Monday (December 2) at the Royal Ascot, where culinary excellence and cultural diversity were celebrated by industry experts and food enthusiasts alike. The Asian Food and Restaurant Awards International is renowned for recognising outstanding contributions to the culinary industry in the United Kingdom. This year’s event showcased the best of the best, making Nepal Foods' recognition a significant achievement in the competitive atmosphere of the food industry. Mr. Bikash Nepal, Director of Nepal Foods, expressed his excitement and gratitude upon receiving the award. “We are absolutely thrilled to be recognised as the Best Nepalese Brand of the Year 2024. This award is not just a testament to our dedication to promoting Nepalese food but also to the hard work and passion of our entire team. We are deeply honoured to represent Nepali culture and food on such a prestigious platform.” The award highlights Nepal Foods’ commitment to authenticity, quality, and innovation in bringing Nepalese flavours to a global audience. With a mission to share the rich culinary heritage of Nepal, the company has consistently focused on sourcing the finest products that reflect the true spirit of Nepal. The event was attended by notable figures from the culinary world, food critics, and industry leaders, making it an invaluable networking opportunity for Nepal Foods within south Asian Community. The recognition not only boosts the brand's visibility but also reinforces its position as a leader in promoting Nepalese food products internationally. As Nepal Foods continues to thrive and expand, the team remains dedicated to delivering exceptional innovative quality of products that celebrates the heart and soul of Nepalese culinary traditions. Nepali Foods products
शीतलपाटीन्युज डटकम। लण्डन। नेपालको स्थापित सांगीतिक ब्यान्ड 'कन्दरा'ले लन्डन ओटुमा सांगीतिक प्रस्तुती दिने भएको छ । लन्डनमा हुने कार्यक्रमको तयारी गरिरहेका व्याण्डका सबै सदस्यलाई यूकेले भिसा दिइसकेको आयोजक मामाघर इन्टरटेनमेन्टले जनाएको छ। आयोजक मामाघर इन्टरटेनमेन्टका अनुसार अर्ली बर्ड टिकट सोल्ड आउट भइसकेको छ । आउँदो ४ जनवरीमा हुनेकार्यक्रका लागि 'कन्दरा'सँगै गायक स्वप्न सुमनले पनि सांगीतिक प्रस्तुति दिँदै छन्। कन्दराले आफ्नो सांगीतिक यात्राको ३२ औं वर्षगाँठ विश्व प्रतिष्ठित कन्सर्ट भेन्यु लन्डन ओटुमा उत्सवका भब्य कार्यक्रम गर्न लागेको आयोजक मामाघर इन्टरटेनमेन्टले जनाएको छ। आयोजकका अनुसार विश्वप्रख्यात द ओटुमा अवस्थित इन्डिगोमा युवा पुस्ताहरुमाझ प्रख्यात गायक स्वप्न सुमन आफ्नो ब्याण्ड द आस्टर्सका साथमा प्रस्तुति दिनेछन्। कार्यक्रममा स्वप्न सुमन र उनको ब्याण्डले नढाक न मुहार शृंगारले, बाचा भयो, जे छौ तिमी लगायतका गीतहरु प्रस्तुत गर्नेछन्। पहिला घरदेखि अनि परदेशको नारासहित विश्व भ्रमणमा निस्केको कन्दराका तिमी पारी, चन्चले कान्छी, लेककी हे माया, हङकङ पोखरा, तगारोमा रूमाल जस्ता गीत प्रस्तुत हुनेछन्। कन्दराले आत्मसात गरेको लोक पप धुनहरू आजपर्यान्त लाखौं शुभचिन्तक र दर्शक रोजाइमा छन्। आयोजकले नेपाली संगीत धरोहरको रूपमा रहेको कन्दरा ब्याण्डको यस ऐतिहासिक साँझको हिस्सा बनि नेपाली गीत संगीत प्रवर्धनमा सरिक बन्न अनुरोध गरेको छ। जसका लागि अनलाइन मार्फत पनि कार्यक्रमको टिकट उपलब्ध हुने आयोजकले जनाएको छ। कन्दराले हालसालै काठमाडौंमा ऐतिहासिक कन्सर्ट गरेको थियो।
शीतलपाटीन्युज डटकम। लण्डन। बेलायतमा बसोबास गरेका नेपाली लगानीकर्ताहरुको परिकल्पना, अवधारणा तथा प्रबर्धनमा स्थापित सोलार फार्म प्रालि तनहु दुलेगौडालाई सौर्य उर्जाबाट ९० मेगावाट विद्युत उत्पादन गर्न नेपाल बिद्दुत प्राधिकरणले अनुमति प्रदान गरेको समाचार छ । नेपाल विद्युत प्राधिकरणले सोलार फार्म लिमिटेडलाई रुपन्देहीमा ४० मेगावाट र कपिलवस्तुमा ५० मेगावाट विद्युत उत्पादन गर्न २६ कात्तिक २०८१ मा अनुमति प्रदान गरेको हो । सोलार फार्म लिमिटेड तनहुका अध्यक्ष मोहन गुरुङले नेपाल विद्युत प्राधिकरणबाट ९० मेगावाट सौर्य उर्जा उत्पादनका लागि आफूहरुलाई आशयपत्र पनि प्राप्त भइसकेको जानकारी गराउनु भएको छ। नेपालभर ८०० मेगावाट सौर्य उर्जा उत्पादनका लागि प्राधिकरणले बोलपत्र आह्वान गरेको थियो। यसरी प्राप्त भएका आवेदनहरुमध्येबाट छनौट गरी प्राधिकरणले विभिन्न सौर्य उर्जा उत्पादकहरुलाई अनुमति प्रदान गरेको हो। सोलार फार्म लिमिटेडले यसअघि नै तनहुँको बेलचौतारामा पाँच मेगावाटको सौर्य उर्जा उत्पादन गरिसकेको छ।यसका लागि सोलार कम्पनीले छिट्टै नै सर्वसाधारणलाई शेयर पनि बिक्री गर्ने भएको छ। प्राधिकरणबाट थप सौर्य उर्जा उत्पादनका लागि अनुमति प्राप्त भएकोमा सोलार फार्म लिमिटेडका लगानीकर्ताहरु उत्साहित भएको अध्यक्ष गुरुङले बताउनुभयो। उहाँले नेपालमा घामबाट बिजुली उत्पादन गर्न सकिन्छ भन्ने अवधारणा र परिकल्पना आफूहरुले शुरु गरेको र अहिले अझ ठूलो परिमाणमा सौर्य उर्जा उत्पादनका लागि जिम्मेवारी पाउँदा गर्व लागेको अध्यक्ष गुरुड्गले बताउनु भयको छ।सोलार फार्म तनहुले ५ मेघावाट बिजुलीको सफल उत्पादन गरेपछि यो थप उत्पादनको मौका पाएको हो। विद्युत प्राधिकरणले सोलार फार्म लिमिटेडलाई सन् २०२६ को डिसेम्बरभित्रमा ९० मेगावाट सौर्य उर्जा उत्पादन गर्ने समय निर्धारण गरेको छ।
GNNNEWS- लन्डन । लन्डनका वरिष्ठ ब्यारिष्टरहरुसंग भूतपूर्व गोर्खा परिवारको अध्यागमन सम्बन्धि नयां नियमबारे अन्तरक्रिया भएको छ । लन्डनस्थित ‘एभरेष्ट ल सोलिसिटर्स’ को आयोजनामा १ डिसेम्बर आइतबार भर्चुअल अन्तरक्रिया भएको हो । अन्तरक्रियामा लन्डनस्थित ल फर्म वान पम्प कोर्टसंग आवद्ध ब्यारिष्टरहरु जस्टिन फिसर, किलिन म्याककार्थी र डेबोरा रिभिलले गोर्खा सन्तान तथा परिवारको नयां परिवर्तित नियम सम्बन्धमा स्पष्ट पारेका थिए। अन्तरक्रियामा एभरेष्ट ल सोलिसिटर्सका प्रिन्सिपल सोलिसिटर राजु थापाले स्वागत गर्दै ब्यारिष्टरहरुको परिचय दिएका थिए। गत १३ वर्षदेखि सञ्चालनमा रहेको उक्त फर्म मार्फत अहिलेसम्म गोर्खा सन्तानका मुद्दाहरु झन्डै ९० प्रतिशत सफल गरि करिब ७ हजार गोर्खालीका सन्तान यूके आइसकेको उनले जनाए। ब्यारिष्टर किलिन म्याककार्थीले भूतपूर्व गोर्खाहरुले कसरी बेलायतमा आवासीय अधिकार प्राप्त गरे र अभियान कसरी सफल भयो भन्ने चर्चा गर्दै वर्तमान परिवर्तित नीतिबारे अवगत गराएकी थिइन्। सन् २०२३ अक्टोबर ५ मा होम अफिसले गोर्खा र हङकङ सैनिकहरुका लागि नयां नियम परिवर्तन गरेपनि पछि उक्त नियमविरुद्ध मुद्दा परेपछि अदालतले गोर्खाहरुकै पक्षमा फैसला गरेको उनले जनाइन्। फर्स्ट टिएर ट्राइबुनलले नेशनालिटी, इमिग्रेसन एन्ड असाइलम एक्ट र युरोपियन महासन्धिको धारा ८ बमोजिम आवेदकलाई पारिवारिक जीवनबाट विमुख गर्न नमिल्ने भन्दै अपिल राइट्स दिन आदेश गरेको उनको भनाइ थियो। ‘अति विपन्न’ अवस्थाका भूतपूर्व गोर्खाका बिधवा र तिनका सन्तान सबैलाई बेलायतले भिसा शुल्क नलिने भएपनि त्यसका लागि यथेष्ठ प्रमाण जुटाउनु पर्ने, समय धेरै लाग्ने र यसमा धेरै कानूनी झन्झट हुने उनले बताइन्। अर्की ब्यारिष्टर जस्टिन फिसरले आवेदन गर्ने तरिका र दस्तुरबारे स्पष्ट पारिन्। ब्यारिष्टर डेबोराले नेपालबाट आवेदन हाल्ने तरिका, आवेदनमा साक्षी बयान लेख्दा ध्यान दिनुपर्ने सन्दर्भ आदि बारे प्रस्ट्याएकी थिइन्। 'कभरिङ लेटर' मा गल्ती हुन नहुने र आफ्नो बयान झुटो हुन नहुनेमा उनको जोड थियो । ठेगाना पनि सही आफू बसिरहेकै ठाउंको हुनुपर्ने, स्पोन्सर गर्नेले आफ्ना सन्तानलाई पैसा नियमित पठाइरहेको अर्थात आर्थिक निर्भरताबारे बुझाउन जरुरी हुने उनको धारणा छ। बैंक स्टेटमेन्ट वा अन्य कागजात नक्कली नबनाउन पनि उनले सुझाइन्। उनले लामो समय अगाडि बाबु आमा बितिसकेको भए उनीहरुको हकमा भिसा हुने सम्भावना निकै कम रहेको पनि प्रष्ट्याइन्। कार्यक्रममा एभरेष्ट ल सोलिसिटर्ससंग आबद्ध
शीतलपाटीन्युज डटकम। अल्डरसट,लण्डन। युके नेपाल इन्टरनेसनल बोडीबिल्डीयड्ग लिगको अध्यक्षमा गंगा गुरुड्ग चयन हुनु भएको छ। युके नेपाल इन्टरनेसनल बोडीबिल्डीयड्ग लिगको नया कार्यसमिती गठन भएको कुरा निबर्तमान अध्यक्ष शुक गुरुड्गले शीतलपाटीन्युज डटकमका प्रधान सम्पादक बाचस्पति रेग्मीलाई जानकारी दिनु भएको हो। प्यालेस रेष्टुरेन्ट अल्डरसटमा १ डिसेम्बर २०२४ मा अध्यक्ष शुक गुरुड्गको अध्यक्षतामा बसेको कार्यसमितीको बैठकले नया कार्यसमितीको अध्यक्षमा गंगा गुरुड्ग,उपाध्यक्षहरुमा लोक गुरुड्ग र कुमार गुरुड्ग चयन हुनु भएको हो। साथै समितीको महासचीवमा शमसेर गुड्ग,सह सचीवमा तारा गुरुड्ग,कोषाध्यक्षमा नरवुतन राई चयन हुनु भएको छ। राष्ट्रिय, अन्तराष्ट्रिय बडिबिल्डिड्गमा सहभागी भएर जित हासील गरेको यो संस्थाले आगामी जुन २०२५ मा इभेन्टस् पनि आयोजना गर्ने जनाएको छ। साथै सन २०१३ देखि युके नेपाल इन्टरनेसनल बोडीबिल्डीयड्ग लिगमा सक्रिय गंगा गुरुड्ग यस पटक अध्यक्ष बन्नु भएको छ। युके नेपाल इन्टरनेसनल बोडीबिल्डीयड्ग लिगको यो कार्यक्रममा संस्थाका पुर्ब अध्यक्षहरु,सल्लाहाकारहरु,कार्यसमिती पदाधिकारीहरुको उपस्थिती सहित कार्यक्रम सम्पन्न भएको थियो।
