शीतलपाटीन्युज डटकम। लण्डन। युगिन रंगकर्मी एवम् चलचित्र निर्देशक सनम कुमार बैराग फेरि "भीमसेन थापा" बन्दैछन्। बैराग बेलायतवाट फेरि भीमसेन थापा बन्न लागेकाे हाे। सन् २०१८ मा बेलायतमा मञ्चन भएकाे युगान्तकारी नाटक "भीमसेन थापा"का नायक तथा निर्देशक बैरागकाे "भीमसेन थापा" दाेश्राे इनिङ हाे। यसपाली नेपालमा समेत मञ्चन गर्ने साेचमा बेलायतमा हाल रिहर्सल कार्य भैरहेको बैरागले शीतलपाटीन्युज डटकमलाई बेलायतमा जनाकारी दिएका छन्। यस नाटकमा सामनता, सुरेश,रवि,गाेपालकाे पनि विशेष अभिनय हेर्न पाइने भएकाे छ। बेलायतमा आगामी मार्चमा र नेपालमा दशैंमा मञ्चन हुने भएको छ। (स्मृत न्यूज सर्भिस)
शीतलपाटीन्युज डटकम। अल्डरसट,लण्डन। बिश्वभर छरिएर रहेका नेपालीभाषी समुदायका गायन र नृत्य क्षेत्रलाई बढावा दिने उद्देश्यले इन्ट्रा-इन्टरनेसनल वेलफेयर एण्ड सपोर्ट फाउण्डेसन अमेरीकाले हालै बेलायतमा एउटा प्रेषमीट सम्पन्न गर्यो। बिश्वस्तरिय अंन्तराष्ट्रिय उत्कृष्ट प्रतिभाहरु पहिचान गर्न अडिसन गर्ने उदेश्यले यो प्रेषमीट गरीएको थियो। १२ जनवरी २०२५ आईतवार ठमेल रेष्टुरेन्ट बेलायतमा भएको प्रेषमीटमा बेलायतमा रहेका पत्रकारहरु माझ गरीएको प्रेषमीट भब्य भएको थियो।सन २०२३ मा भएको रियालिटी सो को पहिलो सीजन सफलतापुर्वक सम्पन्न भएकोले उत्साहित हुदै अब दोश्रो रियालिटी सो सम्पन्न गर्न यो प्रेषमीट गरीएको हो। संसारभरका नेपालीहरुको नेपाली संस्कृति र सास्कृतिक पहिचानलाई संरक्षण,संम्बर्धन र उत्थान गर्ने फाउन्डेसनको उध्देश्य रहेकोले सबै नेपालीलाई एउटै मालामा गास्न र पुस्तान्तरणलाई परम्परा हस्तान्तरण गर्दै कार्यक्रमलाई जिबीत राख्न यो सीजन २ को आयोजना गर्ने घोषणा गरीएको हो। यो अडिसन बेलायत र वरपरका मुलुकमा बसोबास गर्नेका लागि फेब्रुवरी १५ र १६ मा लण्डनको अल्डरसटस्थित एम्पाएरहल हाईस्ट्रिटमा हुने तय भएको छ। सहभागी हुन चाहाने प्रतिष्पर्दीहरुले फाउन्डेसनको बेवसाईट www.intrafoundatiins.org मार्फत आवेदन दिन सकिने बनाएको छ। दुबै सोका पहिलो हुने सहभागीहरुलाई एक करोड पुरष्कार, दोश्रो हुनेलाई २५ लाख र तेश्रो हुनेलाई १० लाख नगद पुरुष्कार दिने घोषणा गरीएको छ। यो पुरुष्कारले आदिमकाल देखि बिकसित हुदै आएको सास्कृतिक पहिचान संरक्षण हुने र मानव जातीमा मानवताको बिकास हुने फाउण्डेसनले आशा लिएको छ। यो अडिसनमा इन्ट्रा-नेसनल वेलफेयर एण्ड सपोर्ट फाउण्डेसनको बेवसाईट मार्फत आवेदन गरी छनौट भएका बिश्व भरीबाट छनौट कलाकारहरुलाई फाइनल प्रतिष्पर्दाका लागि काठमाण्डौ लगिने बताइएको छ। छनौट भएका डान्सका लागि १२० र भ्वायसका लागि १२० एवम लण्डनमा छनौट भएका ५ जना प्रतिस्पर्दी पनि फाईनल प्रतिष्पर्दाका लागि नेपाल पुग्ने छन। अन्तराष्ट्रिय स्तरको दुई रियालिटी सो मेरो भ्वाईस युनिभर्श र मेरो डान्स युनिभर्स अघि बढाउन केही आधारभुत नियम बनाईएको र यी नियम भित्र रहेर कार्यक्रम संचालन हुनेछ। राष्ट्रिय लोक तथा दोहोरी गीत प्रतिष्ठान बेलायतका प्रथम उपाध्यक्ष तथा गायक मनसुनधन थापा मगरले संचालन गरेको प्रेसमीट भब्य भएको र बेलायतस्थित पत्रकारहरुको भब्य उपस्थिती रहेको थियो। कार्यक्रमको बिस्तृत सहभागी एवम जानकारीका लागि इन्ट्रा-नेसनल वेलफेयर एण्ड सपोर्ट फाउण्डेसन
शीतलपाटीन्युज डटकम। लन्डन। तमुधीं यूकेले क्राइस्टचर्च एभिन्यू,ह्यारो लेजर सेन्टरमा भव्य समारोहबीच स्थापनाको २५औं वर्षगाँठ तथा तमु ल्होछार मनायो। अध्यक्ष हरि गुरुङको अध्यक्षतामा भएको सो कार्यक्रममा नेपाली दूतावास लन्डनका उपनियोग प्रमुख विपिन दुवाडी प्रमुख अतिथि रहनु भएको थियो। महासचिव डा.विशाल गुरुङले सञ्चालन गरेको सो कार्यक्रममा अंदाजी १५०० पाहुना र तमु परिवारको उपस्थिती थियो। सो समारोहमा डा.हर्क गुरुङ अवार्ड वितरण,संस्थाको मुखपत्र फ्रेंसी विमोचन,हरि गुरुङ नेतृत्वको १२औं कार्यसमिति र नवनिर्वाचित अध्यक्ष जुमकाजी गुरुङ,आमा समूह अध्यक्ष सन्ध्या गुरुङ र नवनिर्वाचित आमा समूह कमलादेवी गुरुङ नेतृत्वबीच कार्यभार हस्तान्तरण,रजत महोत्सवको गीत सार्वजनिक,राफल ड्र,तमु धीं यूकेका संस्थापक अध्यक्ष,पूर्वअध्यक्षहरु, विभिन्न इकाइमा योगदान दिनेहरू,कम्युनिटी सर्भिस अवार्ड लगायतलाई बधाई तथा सम्मान गरिएको थियो। डा.हर्क गुरुङ अवार्ड जीसीएसी उत्कृष्ट अंक ल्याउने लमजुङ पुर्ख्यौली घर भई हाल बेलायतमा रहेकी अम्बिका गुरुङले प्राप्त गरिन्। छनौट भएकी गुरुड्गलाई प्रमुख अतिथि उपनियोग प्रमुख विपिन दुवाडी र संस्थाका अध्यक्ष हरि गुरुङले खादा, प्रमाणपत्र र ५ सय पाउन्डको चेक हस्तान्तरण गरेर सम्मान गरेका थिए। संस्थापक अध्यक्ष मिनप्रसाद गुरुङ,पूर्वअध्यक्षहरु मेजर डमर घले एमबीई,मेजर लालबहादुर गुरुङ,सुवाससिं गुरुङ बीईएम, मुछेत्र गुरुङ,कमल गुरुङ, रामचन्द्र गुरुङ,ज्ञाम गुरुङ, नन्दजंग गुरुङ, हितकाजी गुरुङ लगायतलाई सम्मान गरियो। यस्तै संस्थापक सल्लाहकारहरु चन्द्रबहादुर गुरुङ,आशबहादुर गुरुङ,मिनबहादुर गुरुङ, संस्थापक कोषाध्यक्ष सूर्य गुरुङ र सदस्यहरूलाई पनि सम्मान गरिएको थियो। कम्युनिटी सर्भिस अवार्डतर्फ लन्डन इकाईबाट सिफारिस भएका प्रेमराज गुरुङ र लक्ष्मी गुरुङ,साउथ इस्ट रिजनल तमु धीं इकाइका ह्यारी गुरुङ,रन्जु घोताने,चारभन्ज्याङ तमु समाज यूकेबाट मास्टर प्रदीपजङ गुरुङ र अनमोल गुरुङ लगायतलाई पनि सम्मान गरिएको थियो। अन्तर्राष्ट्रियस्तरमा आफ्नो प्रतिभा देखाउने समुदायका एक महिला र एक पुरुषलाई हरेक वर्ष प्रदान गर्ने उद्देश्य अनुरुप संस्थाको तर्फबाट महासचिव डा.विशाल गुरुङले 'तमु प्रतिभा पुरस्कार-२०२४' घोषणा गरेका थिए। उक्त पुरस्कारबाट यो बर्ष राष्ट्रिय कराँते खेलाडी एरिका गुरुङ (धादिङ) र प्यारा ग्लाइडर युकेश गुरुङ (कास्की) लाई प्रदान गरिने घोषणा भएको छ। पुरस्कार राशि ५० हजार रुपैयाँ रहेको छ। पुरस्कार हरेक वर्ष मनाइने ल्होछार कार्यक्रममा वितरण गरिने तमु धीं यूकेले जनाएको छ । फ्रेंसी पत्रीका ' तमु धिंको मुखपत्र' को पायोनियरको रुपमा धेरै लामो समय काम गरि आएका सल्लाहकार
पिपला पाण्डे देवान, “छ दशकपछि मरुभूमिको रमाइलो” पुसको महिना, गाउँको त्यो चिसो बिहान, हल जोत्न खेतमा निस्कँदा हिउँसरी सास सुक्थ्यो। हातका औँलाहरू कठ्याङ्ग्रिन्थे, तर हृदयको आगो दन्किएको थियो। त्यो आगो— जीवन बनाउने, भविष्य देख्ने, आफ्नो माटोबाट केही सिर्जना गर्ने। आज यो मरुभूमिमा छु। ६० डिग्रीको घाम, जसले शरीर तातो बनाउँछ, तर मन, अझै चिसो छ। यो ठाउँले मलाई धेरै कुरा दियो— रोटी, छानो, अवसर। तर केही दिनुजस्तो, धेरै कुरा खोसियो पनि। जन्मभूमिको त्यो अपनत्व, त्यो आफ्नोपन, र आफ्नै माटोको सुगन्ध। त्यो बेलाका संघर्षहरू, खुट्टामा फाटेको जुत्ता, हिलोले भरिएका कपडा, तर आत्मामा एउटा गर्व थियो। आज, म राम्रो जुत्ता लगाउँछु, मसिनो लुगा लगाउँछु, तर के गर्व अझै उस्तै छ? यहाँको विकास मेरो जीवनमा चमक हो, तर त्यही चमकभित्र कुनै खोक्रो प्वाल पनि छ। परदेश आएँ सपना पूरा गर्न। सोच्थेँ, म यहाँका सुख बोकेर गाउँ फर्किन्छु। तर परदेशमा मात्र रहेछ, सुखसँगै अपुरोपनको कथा। यहाँ म धनले ठूलो भएँ, तर आत्माले सानो। मेरो गाउँमा गरिबी थियो, तर आत्मामा एक अटल इमान थियो। यहाँ सबै सुविधा छ, तर के मनको शान्ति छ? पुसको कठ्याङ्ग्रिने चिसो, गाउँको त्यो मुस्कान, खेतको माटोमा परेको हलको डोब, यी सबै मलाई अझै बोलाउँछन्। तर यहाँ, मरुभूमिमा, जहाँ केवल बालुवाको समुद्र छ, जीवन जिउन सिकाएको यो कर्मभूमि अब मलाई एउटा सम्झौताको थलोजस्तो लाग्छ। तर समय कहिल्यै रोकिँदैन। मेरो चाला, मेरो यात्राको कथा, यो दुई ठूला भिन्न संसारको बीचको पुल बनेको छ। जहाँ जन्मथलोले सधैँ माया बाँडिरह्यो, तर परदेशले मबाट धेरै अपेक्षा गरिरह्यो। अब, ६० डिग्रीको घाम पनि त्यति असह्य लाग्दैन, किनकि थकित मनलाई अब फर्किनुपर्ने कुरा थाहा छ। फर्कने इच्छा अब सपना होइन, यो मेरो अस्तित्वको अन्तिम यात्रा हो। तर फर्केर जाने गाउँ त्यहीँ छ? कि बदलिएको छ— मानिसका अनुहार,सोच,अनि सपनाजस्तै? मेरो जन्मभूमि, म तिमीलाई अझै उस्तै देख्न चाहन्छु, तर थाहा छैन, के मैले देख्ने ठाउँ उस्तै हुनेछ, या केवल यादले भरिएको एउटा खाली ठाउँ।
हेमन्त मल्ल ठकुरी बोल्नेको मुख बन्द गरौं देख्नेको आँखा हिँड्नेलाई किन हिँड्न दिने ? दुवै खुट्टा कसेर बाँधौं हाथले मुठ्ठी कस्यो कसेर बाँधौं फेरि पनि सर्न खोज्ला घाँटीमा दाम्लो कसौं घरमुलिलाई तिम्रा विचार मन पर्दैनन् यति पनि बुझ्नु पर्दैन ? घरमुलिहरूलाई आफूखुशी गर्न दिऊँ आफूखुशी बोल्न दिऊँ आफूखुशी चल्न दिऊँ कहिले त थाक्लान् कहिले त सोच्लान् कहिले त थाहा पाउलान् आफूले गरेको बेथिति आफूले गरेको गल्ती ए पछि-पछि थपडी बजाउनेहरू ! धेरै बजाए हाथ दुख्छ धेरै भजन गाए राग टुट्छ बडका भलमन्साले भन्ने गर्छन् सहीलाई सही भन्न सिक गलतलाई गलत होइन मान्छेलाई मात्रै होइन मुलुकलाई पनि दशा लाग्छ जय नेपाल (साभार-नेपालीहेडलाइन डटकम।)
शीतलपाटीन्युज डटकम। लण्डन । बेलायतमा ट्यालेन्ट शो आयोजना गर्दै आएको प्रतिभा नक्षत्रले कुमार श्रेष्ठको अध्यक्षतामा नयाँ कार्यसमिति गठन भएको छ । बेलायतमा बसोबास गर्ने नेपाली बालबालिकाको प्रतिभा प्रस्फुटन गर्ने उद्देश्यले हरेक वर्ष ट्यालेन्ट शो “प्रतिभा नक्षत्र” को आयोजना गर्दै आएको प्रतिभा नक्षत्रको लण्डनमा सम्पन्न तेस्रो अधिवेशनले श्रेष्ठको नेतृत्वमा आगामी दुई वर्षका लागि १९ सदस्यीय नयाँ कार्यसमिति चयन गरेको छ। लण्डनको वल्र्डवीच,ब्रेसफोर्ड सडकमा रहेको रिभरसाइड भवनमा सम्पन्न अधिवेशनबाट उपाध्यक्षमा विजया दाहाल भण्डारी,महासचिवमा कर्मा पहाडी शेर्पा,सह–सचिवमाद्धय डा.विना घिमिरे र सत्य प्रजापति निर्वाचित हुनुभएको छ। यस्तै कोषाध्यक्ष आस्था जोशी,सह–कोषाध्यक्षमा सेवा राई निर्वाचित हुनुभएको छ भने दिपक मैथाने मगर संस्कृति विभागमा आउनुभएको छ। सदस्यहरुमा दिर्घ केसी,जिवन शाही,सूर्य विक्रम केसी,अर्जुन शाही,प्रकृति श्रेष्ठ,सुरज गिरी, समु भारती,धनजित चौधरी, छविन चौधरी,राजेन्द्र खस, शम्भु गौतम र यूरोप इन्चार्जमा सान्डि भण्डारी रहनुभएको छ। बेलायतमा बस्ने नेपालीहरुले स्थापना गरेको संस्था प्रतिभा नक्षत्रले त्यहाँ भएका नेपाली बालबालिकाको प्रतिभा प्रस्फुटन गर्ने उद्देश्यले हरेक वर्ष ट्यालेन्ट शो “प्रतिभा नक्षत्र” का साथै मेड इन नेपाल एक्स्पो लगायतका विभिन्न कार्यक्रम आयोजना गर्दै नेपाली कला संस्कृतिको प्रचार गर्दै आएको छ । (कोपिला अनलाईनबाट)
शीतलपाटीन्युज डटकम। लण्डन। नेपालको स्थापित सांगीतिक ब्यान्ड 'कन्दरा'ले लन्डन ओटुमा सांगीतिक प्रस्तुती दिने भएको छ । लन्डनमा हुने कार्यक्रमको तयारी गरिरहेका व्याण्डका सबै सदस्यलाई यूकेले भिसा दिइसकेको आयोजक मामाघर इन्टरटेनमेन्टले जनाएको छ। आयोजक मामाघर इन्टरटेनमेन्टका अनुसार अर्ली बर्ड टिकट सोल्ड आउट भइसकेको छ । आउँदो ४ जनवरीमा हुनेकार्यक्रका लागि 'कन्दरा'सँगै गायक स्वप्न सुमनले पनि सांगीतिक प्रस्तुति दिँदै छन्। कन्दराले आफ्नो सांगीतिक यात्राको ३२ औं वर्षगाँठ विश्व प्रतिष्ठित कन्सर्ट भेन्यु लन्डन ओटुमा उत्सवका भब्य कार्यक्रम गर्न लागेको आयोजक मामाघर इन्टरटेनमेन्टले जनाएको छ। आयोजकका अनुसार विश्वप्रख्यात द ओटुमा अवस्थित इन्डिगोमा युवा पुस्ताहरुमाझ प्रख्यात गायक स्वप्न सुमन आफ्नो ब्याण्ड द आस्टर्सका साथमा प्रस्तुति दिनेछन्। कार्यक्रममा स्वप्न सुमन र उनको ब्याण्डले नढाक न मुहार शृंगारले, बाचा भयो, जे छौ तिमी लगायतका गीतहरु प्रस्तुत गर्नेछन्। पहिला घरदेखि अनि परदेशको नारासहित विश्व भ्रमणमा निस्केको कन्दराका तिमी पारी, चन्चले कान्छी, लेककी हे माया, हङकङ पोखरा, तगारोमा रूमाल जस्ता गीत प्रस्तुत हुनेछन्। कन्दराले आत्मसात गरेको लोक पप धुनहरू आजपर्यान्त लाखौं शुभचिन्तक र दर्शक रोजाइमा छन्। आयोजकले नेपाली संगीत धरोहरको रूपमा रहेको कन्दरा ब्याण्डको यस ऐतिहासिक साँझको हिस्सा बनि नेपाली गीत संगीत प्रवर्धनमा सरिक बन्न अनुरोध गरेको छ। जसका लागि अनलाइन मार्फत पनि कार्यक्रमको टिकट उपलब्ध हुने आयोजकले जनाएको छ। कन्दराले हालसालै काठमाडौंमा ऐतिहासिक कन्सर्ट गरेको थियो।
शीतलपाटीन्युज डटकम। लन्डन । बेलायतको कार्डिफ बस्ने चितवनका गायक कुलदीप सापकोटाले पुरानो प्रेमको सम्झना, विछोडको पीडामा डुबेर ‘ लन्डनैको छुक छुके रेलैमा ‘ बोलको गीत सार्वजनिक गरेका छन् । लोक-आधुनिक शैलीमा रहेको उक्त गीतको भिडियो निकै मनोरन्जक छ । उक्त भिडियो नेपालमा छायांकन गरिएको छ। गीतमा कुलदीप सापकोटाकै शब्द र संगीत रहेको छ, भने समिक्षा अधिकारी र कुलदीप कै स्वर रहेको छ । त्यस्तै उक्त गीतमा सञ्जित भण्डारी र जुना कार्कीको अभिनय रहेको छ , भने पुष्कर सुनवारको एरेन्ज छ। यो गीतले पुरानो प्रेमको सम्झना, विछोडको पीडा र मनको चस्कालाई मार्मिक ढंगले म्यूजिक भिडियो:प्रस्तुत गरेको छ। विशेषगरी विदेशिएका नेपालीहरूको जीवनसंग जोडिएको भावनालाई यसले सजीव बनाएको छ । गीतका शब्दहरूले विगतको प्रेमलाई झस्काउने, अझै मन दुखाउने, र त्यो मायाको स्मृतिलाई जीवन्त राख्ने प्रयास गरेको देखिन्छ। गीतको प्रमुख आकर्षण भनेकै यसले प्रयोग गरेको सांगीतिक रचना र भाव प्रवण स्वर हो। समिक्षा अधिकारी र कुलदीप सापकोटाको आवाजले गीतलाई थप जीवन्त बनाएको छ। ‘लन्डनैको छुक छुके रेलैमा’ को गीत र संगीतले श्रोताहरूलाई भावुक बनाउँदै प्रेम र विछोडको स्मृतिमा डुब्न बाध्य बनाउँछ। यो गीतलाई ‘मेलोडी नेपाल’ को युट्युब च्यानलमार्फत सार्वजनिक गरिएको छ । जसले दर्शक श्रोतामाझ लोकप्रियता बटुलिरहेको छ। विशेषगरी, विदेशिएका नेपालीहरूका लागि यो गीतले उनीहरूको पीडा र भावनालाई आवाज दिएको महसुस गराउँछ। म्युजिक भिडियोमा पनि गीतका भावनाहरूलाई राम्रोसँग चित्रण गरिएको छ। कुलदीप सापकोटाको सांगीतिक यात्रा र यस गीतले नेपाली संगीतको क्षेत्रमा थप पहिचान दिलाउने अपेक्षा गरिएको छ। भविष्यमा कुशल गायक तथा सङ्गीतकार बन्ने दृढ सङ्कल्प उनमा छ। यसअघि उनले केही गीतहरूमा आफ्नो स्वर भरेका थिए ।कुलदीप सापकोटाले दर्शक लाई आफ्नो प्रतिक्रिया सहित हेरी दिन आग्रह गर्दै ‘लन्डनैको छुक छुके रेलैमागीतको म्युजिक भिडियो स्रोता माझ ल्याउन पाएकोमा खुसी व्यक्त गरे।
शीतलपाटीन्युज डटकम। लण्डन। बेलायतमा रहेका नेपालीहरूको सबै भन्दा जेठो साहित्यिक संस्था नेपाली साहित्य विकास परिषद् यूके. द्वारा ११५औं महाकवि देवकोटा जयन्ती प्रवचन,गीतसङ्गीत प्रस्तुति,स्वागत सम्मान र कविता वाचन कार्यक्रमहरू गरी भव्यरूपमा मनाइयो। वयस्ट लन्डन एकटन स्थित एबीआई कलेजमा आयोजित समारोहमा प्रमुख अथितिको आसनबाट समारोहलाई सम्वोधन गर्नुहुँदै परिषद्का पदेन संरक्षक महामहिम कार्यवाहक नेपाली राजदूत विपीन दुबाडीले नेपाली साहित्यलाई विश्वस्तरको मानकमा पुर् याउने काम महाकविले गरे जुन हाम्रा लागि गर्वको इतिहास हो भन्नु भयो । बेलायतमा नेपाली साहित्य विकास परिषद् युके ले यसरी लामो समयदेखि विभिन्न साहित्यिक गतिविधिहरू गरेर नेपाली भाषा साहित्यिको समृद्धिमा ऐतिहासिक भूमिका निर्वाह गर्दै आएको छ भन्नुहुँदै कार्यवाहक राजदूत दुवाडीले साहित्य तथा सङ्गीत र प्रवचनको मिश्रण रहेको आजको देवकोटा जन्मजयन्ती कार्यक्रमले भावि पुस्तालाई समेत प्रेणा पुर् याउने कुरा चर्चा गर्नु भयो । समारोहमा परिषद्का वरिष्ठ प्रमुख सल्लाहकार तथा यती संस्थाका पूर्व अध्यक्ष डा.राघव प्रसाद धिताल ओबिई ले महाकवि लक्ष्मी प्रसाद देवकोटा नेपालका अमूल्य निधि हुन् जस्ले भाषा साहित्यिको शिखर उच्च मात्र पारेनन् शिक्षा मन्त्री समेत भएर अन्तराष्ट्रीय स्तरमा नेपालको प्रतिनिधित्व समेत गरेर राष्ट्रको ख्याति र प्रभाव बढाएका थिए भन्नुभयो। डा. धितालले बेलायतमा नेपाली भाषा साहित्य कला जस्ता नेपाली पहिचानहरूलाई जिवन्त राख्न साहित्य विकास परिषद्ले गरेका प्रयासहरू सराहनीय छन् भन्नु भयो। मन्तव्यका क्रममा प्रथम सचिव उद्वव न्यौपानेले भावुक हुदै महाकवि देवकोटाको कारणले नेपाल विश्व साहित्य क्षेत्रका विशिष्ट साहित्यकारहरूसँग तुलना गर्न र अरू ठूला देशहरू माझ गनिने गरेको छ भन्नुभयो। सभापतिको आसनबाट वोल्नुहुँदै परिषद्का अध्यक्ष वरिष्ठ कवि कोमलप्रसाद श्रेष्ठ मल्लले बेलायतमा नेपाली साहित्य विकास परिषद् युके ले आफ्नो स्थापना काल सन् १९९५ देखि नै आदिकवि भानु जयन्ती, महाकवि देवकोटा जयन्ती लगायतका साहित्यिक गतिविधिहरू तिब्रगतिले अगाडि बढाउँदै आएको चर्चा गर्नुभयो। बेलायतमा नेपाली भाषा साहित्यिको विकासकालागि झण्डै तीन दशक अघि नेपाली साहित्य विकास परिषद् युके को स्थापना गरेर यहाँ रहेका सर्जकहरूलाई सिर्जन्शील र सक्रिय गराउन परिषद्का संस्थापक निवर्तमान अध्यक्ष वरिष्ठ साहित्यकार सुरेशजङ्ग शाहको योगदान अतुलनीय रहेको छ भन्नुभयो साथै अध्यक्ष मल्लले महाकविको असिमित योगदानले नै आज नेपाली साहित्य विश्व
GNNNEWS- लन्डन – साहित्यकार एवं सञ्चारकर्मी डा. सङ्गीता श्रेष्ठ ’स्वेच्छा’ 'कला र शान्तिका लागि अन्तरराष्ट्रिय संगठन (इन्टरनेशनल एशोसियशन फर आर्टस् एण्ड कल्चर फर पिस) की अध्यक्ष नियुक्त भएकी छिन् । युनिभर्सल पिस फेडरेशन अन्तर्गत सञ्चालनमा रहेको आइएएसीपी एउटा विश्वव्यापी संजाल हो जसले संगीत, नृत्य, चित्रकला, फिल्म र साहित्यजस्ता विभिन्न कलात्मक अभिव्यक्तिहरू मार्फत शान्ति र एकता प्रवर्द्धन गर्ने काम गरिरहेको छ । आफ्नो नयाँ भूमिकामा, डा. श्रेष्ठले आइएएसीपीको मिशनलाई अघि बढाउनका लागि कलाकारहरू, सांस्कृतिक नेताहरू र दूरदर्शी व्यक्तित्वहरूको अन्तर्राष्ट्रिय समुदायको नेतृत्व गर्नेछिन् । साथै उनले सहकार्य र सांस्कृतिक आदानप्रदानलाई प्रोत्साहन गर्दै विश्वव्यापी शान्ति प्रवर्द्धन गर्ने लक्ष्य पनि लिएकी छिन् । युनिभर्सल पिस फेडरेशन बेलायतका महासचिव रोबिन मार्शले भने, “डा. श्रेष्ठ जस्तो व्यक्तित्वको नेतृत्वमा यो महत्वपूर्ण पहललाई अघि बढाउन पाउँदा हामीलाई अत्यन्तै खुशी लागेको छ। उहाँको नेतृत्वले आउने वर्षमा पुर्याउने सकारात्मक प्रभावलाई हामी उत्सुकताका साथ पर्खिरहेका छौँ।” डा. श्रेष्ठलाई युनिभर्सल पिस फेडरेशनद्वारा सन् २०२३ डिसेम्बरमा ‘एम्बेसडर फर पिस’ अवार्डबाट लण्डनमा सम्मानित गरिएको थियो । यो पुरस्कारले शान्तिपूर्ण र दिगो विश्व निर्माणमा उहाँको समर्पणलाई प्रतिबिम्बित गर्दछ । “यो भूमिका ग्रहण गर्न पाउँदा म अत्यन्त सम्मानित महसुस गर्दैछु र कला, साहित्य तथा संस्कृतिलाई शान्ति निर्माण र आपसी समझदारीको महत्त्वसंगै अगाडि बढाउन निरन्तर प्रयासरत र प्रतिबद्ध छु,” डा. श्रेष्ठले भनिन् । “म युनिभर्सल पिस फेडरेशन बेलायतप्रति यो अवसरका लागि आभारी छु ।" युनिभर्सल पिस फेडेरेसन संयुक्त राष्ट्रसंघको आर्थिक र सामाजिक परिषद्सँग परामर्शको काम गर्ने विश्वव्यापी संस्था हो । आइएएसीपी जस्ता नेटवर्क र पहलहरू मार्फत फेडेरेसन विश्वभर शान्ति, एकता र सहयोगलाई प्रवर्द्धन गर्न प्रयासरत छ ।
प्रतिमा केसी, बेलायत। हामी नेपालीहरू चाडपर्वका धनी छौं। समयक्रममा संविधानले नेपाललाई धर्म निरपेक्ष राष्ट्र घोषणा गरेपनि अधिकांश हिन्दु धर्मसंग सम्बन्धित चाडहरु प्रमुख रूपमा मनाउने गरिन्छ, यद्यपि अन्य धर्मालम्बीहरूले पनि आ-आफ्नो चाड भव्य रूपमा मनाउछन। यस लेखमा नेपालका प्रमुख चाडहरू मध्य महिलाहरूको चाडको रूपमा मानिने एक चाड तीजको बारेमा आफूले देखेको विगतको तीज पर्व र वर्तमानको तीज बारे छोटो चर्चा गर्ने प्रयास गरिएको छ । धार्मिक ग्रन्थहरूमा उल्लेख भए अनुसार “माता पार्वतीले महादेव पति पाउँ” भनि गरेको तपस्या पूर्ण भएको दिनलाई विशेष दिन मानिन्छ। यसै दिनमा हिन्दु धर्मावलम्बी महिलाहरुले पनि उपवास बसेर शिवजीको पूजा गरी मनाउने पर्व तीज हो। शरद ऋतुको शुरुवात संगै निकै रोमान्चक रुपमा मनाइने यस सांस्कृतिक चाडमा नारीहरूले दुतियाको दिनमा दर खाएर तृतीयाको दिनमा ब्रत बस्ने,रमाइलो नाचगान गर्ने, खानपान गर्ने, माइतिमा जाने,दिदीबहिनीहरु तथा साथीहरुसंगको भेटघाटले आनन्दित हुने हुनाले महिलाहरुको लागि तीज विशेष पर्व हो। तीजपर्व विगतदेखि वर्तमानसम्म आइपुग्दा हिन्दु महिलाहरुको मात्र नभएर सम्पूर्ण नेपाली महिला दिदीबहिनीहरुको लागि विशेष बन्दै गएको छ। घरदेश होस या परदेश जताततै आफ्नो गक्ष र समय अनुसार तीज मनाइन्छ तर परिवेश र तौर तरिका भने परिवर्तित देखिन्छ। म,पश्चिम नेपालको एउटा गाउँले परिवेशमा जन्मेर त्यहाँको तीज महशुष गरेको र त्यहाँको तीजमा राम्ररी घुलेको छोरीचेली हुनाले त्यहाँ पहिले कसरी तीज मनाउने गरिन्थ्यो भन्ने चर्चा गर्दा पुरानो अर्गानिक तीज बुझ्न सहज होला। सम्भवत: तीजको मूल मर्म सिंगो नेपाल कै मैले देखे भोगे जस्तो हो भन्ने लाग्छ यद्यपि भौगोलिक हिसाबले मनाउने तरिकामा केहि विविधता हुनसक्छ। जब तीज आउँथ्यो वरपरका सबै आमाहरु र बिबाहित दिदीबहिनी माईत जान्थे । म पनि मेरो घरको हजुरआमासंग बुढो मावलीमा तीज मनाउन जान्थें। बुढो मावलको मेरो हजुरआमाका भाइ वहाँलाई लिन हाम्रो घरमा आउनुहुन्थ्यो। मानमनितोका व्यवहार र भलाकुसारीसंगै खानपान गरेपछि हजुरआमाले कपुर हालेर मधुसमा राखेका नयाँ कपडा निकाल्नु हुन्थ्यो। फुली,मुन्द्री,माडवरी त लगाएकै हुन्थ्यो,त्यसमाथि कण्ठमाला लगाउनुहुन्थ्यो। कोरीबाटी गरेर चिटिक्क परेपछि म पनि जामा लगाएर फुरुक फुरुक गर्दै हजुरआमाको अघि लाग्थें। हजुरआमाका भाइ हजुरबा अति प्रसन्न देखिनु हुन्थ्यो। हो,तीज आएपछि बा, दाजुभाइहरु
शीतलपाटीन्युज डटकम। लन्डन। साहित्यलाई पाककलासँग पस्किने अभियानको उद्घाटन कार्यक्रम आइतबार बेलायतमा सम्पन्न भयको छ। यो अभियानले नेपाली साहित्यलाई प्रवर्द्धन गर्ने उद्देश्य राख्दछ भने नेपाली खानाप्रतिको साझा रुचिलाई पनि उत्सवको रुपमा मनाउँने छ। “पुस्तक हस्ताक्षर र लेखक भेट कार्यक्रम आयोजना गर्न पाउँदा हामी निकै उत्साहित छौं । ‘साहित्यलाई पाककलासँग पस्किने’ यो अभियानले नेपाली साहित्यलाई मात्र प्रवर्द्धन गर्दैन, हाम्रो पाककला प्रतिको प्रेमलाई पनि उत्सवको रुपमा मनाउँदछ,”गोर्खा वुडकक इन फेल्ब्रिजका सुरज पाण्डेले भने। “नेपाली खाना बेलायतमा पहिले नै लोकप्रिय छ र अब हामी हाम्रा ग्राहकहरूलाई यी पुस्तक हस्ताक्षर कार्यक्रमहरूको माध्यमबाट नेपाली साहित्यको स्वाद दिन्छौं।आजको कार्यक्रम सुरुवात मात्र हो।हामी आगामी दिनहरूमा धेरै कार्यक्रमहरूको प्रतीक्षा गरिरहेका छौं।” एक ग्राहकले लेखकलाई भेट्न पाएको र पुस्तकको हस्ताक्षरित प्रतिलिपि किन्ने अवसर पाएकोमा आफु उत्साहित भयको उनले व्यक्त गरे,“हामीलाई प्रायः लेखकहरूसँग भेट्ने मौका मिल्दैन,यो एक अद्भुत अवसर हो।”अर्का उत्साही सहभागीले थपे, “हामी नेपाली खाना मन पराउँछौं र हामीलाई नेपाली साहित्यसँग परिचित गराउने यो कार्य सराहनीय छ। म पुस्तक पढ्न र अमेजनमा समीक्षा लेख्न आतुर छु।” भर्चुअल रूपमा कार्यक्रममा सहभागी भएका किताबका अनुवादक जयन्त शर्माले भने, “यो पहलले म निकै उत्साहित छु र एक अनुवादकको रुपमा नेपाली साहित्यलाई विश्वमा पुर्याउने हाम्रो सहकार्य यसरी अगाडि बढेको देखेर म रोमाञ्चित छु।” सङ्गीता स्वेच्छाले कृतज्ञता व्यक्त गर्दै भनिन्, “मेरा कथाहरू मार्फत नेपाली साहित्य साझा गर्नको लागि यो मंच प्रदान गरेकोमा म गोर्खा वुडकक इन फेल्ब्रिजप्रति आभारी छु र यहाँ हुने आगामी पुस्तक हस्ताक्षर कार्यक्रमहरूको लागि निकै उत्साहित पनि छु।” बुकहिल इन्टरनेशनलले प्रकाशन गरेको सङ्गीता स्वेच्छाको कथा संग्रह,”रोजेज ओडिसी” अप्रिल २०२४ मा बेलायतमा विमोचित भएको थियो। पुस्तक हस्ताक्षर कार्यक्रममा धेरै प्रतिलिपिहरू बिक्रीसँगै यो पुस्तक गैर-नेपाली पाठकहरू माझ लोकप्रिय हुँदै गइरहेको छ। बेलायतभरि ६ वटा सफल पुस्तक हस्ताक्षर कार्यक्रमहरू यूनिभर्सल पीस फेडेरेशन र फीड द माइन्ड्स जस्ता स्थानहरूमा भइसकेको छ भने लन्डनको फाउन्ड्रीमा (जहाँ तिस भन्दा बढी सामाजिक संस्थाहरु अवस्थित छन्) हुने आगामी कार्यक्रम ‘रोजेज ओडिसी’को लागि अर्को रोमाञ्चक पक्ष संगिता स्वेच्छाको बुझाई छ।
शीतलपाटीन्युज डटकम। लन्डन। बेलायतस्थित नेपालीहरूको जेठो साहित्यिक संस्था नेपाली साहित्य विकास परिषद् यूकेको २८औँ साधारण सभाले आगामी दुई वर्षका लागि १४औँ कार्यसमिति चयन गरेको छ।वेस्ट लन्डनको एक्टनस्थित एबिआई कलेजमा सम्पन्न परिषद्को साधारणसभाबाट कोमलप्रसाद श्रेष्ठ मल्लको अध्यक्षतामा १७ सदस्यीय नयाँ कार्यसमिति निर्वाचित भएको हो । कार्यसमितिको वरिष्ठ सह-अध्यक्षमा ध्रुव केसी र पाँचजना सह-अध्यक्षहरूमा वसन्त रायक्षेत्री,वीरेन्द्र कुँवर, रेशम अर्याल,गोकुल भण्डारी र वाचस्पति रेग्मी चुनिएका छन्। साथै दुई जना उपाध्यक्षमा डम्बर सिंह ‘प्रयास’ र डा. संगीता श्रेष्ठ ‘स्वेच्छा’ चुनिएका छन। यसैगरी महासचिवमा डा.सुधा श्रेष्ठ र वरिष्ठ कोषाध्यक्षमा मनोज अन्जान एवं सह महासचिवमा अहिल्या कुँवर चुनिएकी छन्। कार्यकारिणी सदस्यहरूमा हरि केसी, वासुदेव सापकोटा,रुक्मिणी मानन्धर तथा मिडिया कोअर्डिनेटरहरूमा नवीन पोखरेल र नरेश खापाङ्गी मगर चुनिएका छन् । यसैगरी १६ सदस्यीय सल्लाहकार समितिमा प्रमुख सल्लाहकार डा.राघवप्रसाद धिताल ओबिई,सल्लाहकारहरूमा सुरेशजङ्ग शाह,हरिसिंह थापा, खगेन्द्र नेपाली, हरिविभोर कार्की,मदन थापा, घनबहादुर थापा मगर,विजय थापा,डा.गोपाल पौडेल,कृष्ण भट्ट,पिपला पाण्डे देवान,डा. जनककुमारी धिताल, हिन्दमैञा वैद्य,कमल भण्डारी, बालजंग अर्याल र पशुपति भण्डारी छन्। कार्यसमिति निर्वाचनका लागि परिषद्का संस्थापक तथा निवर्तमान अध्यक्ष सुरेशजङ्ग शाहको अध्यक्षतामा प्रमुख सल्लाहकार डा. राघवप्रसाद धिताल ओबिई,पूर्व अध्यक्षद्वय हरिसिंह थापा,खगेन्द्र नेपाली र सल्लाहकारहरू मदन थापा, विजय थापा र कृष्ण भट्ट रहेको ७ सदस्यीय अध्यक्ष मण्डल गठन गरिएको थियो।नव निर्वाचित पदाधिकारीहरूको पद शुसोभन तथा प्रमाणपत्र वितरण अर्को कार्यक्रमको आयोजना गरिने भएको छ । यसअघि परिषद्का अध्यक्ष कोमलप्रसाद श्रेष्ठ मल्लको अध्यक्षतामा बसेको साधारण सभाले कोषाध्यक्ष मनोज अन्जानद्वारा प्रस्तुत आर्थिक प्रतिवेदन र सहअध्यक्ष तथा कार्यवहाक महासचिव डा. सुधा श्रेष्ठद्वारा प्रस्तुत वार्षिक प्रगति प्रतिवेदन बुँदागत छलफल गरि पारित गरीएको थियो। यसैगरी साधरण सभाले १३औँ कार्यसमितिको कार्यकाल सफल बनाउन परिषद्का हरेक वार्षिक कार्यक्रममा सक्रिय रूपले खटिने कार्यसमितिका पदाधिकारीहरू,प्रमुख सल्लाहकार तथा सल्लाहकारहरू,परिषद्का पदेन संरक्षक महामहिम राजदूत तथा नेपाली राजदूतावास परिवार,कवि तथा कलाकारहरू,परिषद्को नेपाल च्याप्टरका पदाधिकारीहरू,कोसेली नेपाली सांस्कृतिक परिवार यूकेका संस्थापक अध्यक्ष मदन थापा तथा अन्य कलाकारहरू,सयपत्री सांस्कृतिक परिवार यूके अध्यक्ष डम्बसिंह प्रयास र पदाधिकारीहरू,पत्रकारहरू र आर्थिक तथा भौतिक सहयोग गर्ने डा.राघवप्रसाद धिताल ओबिई,डा.जनककुमारी धिताल,खगेन्द्र नेपाली, कृष्ण भट्ट, ध्रुव केसी,घन बहादुर थापा मगर,कृष्णा
शीतलपाटीन्युज डटकम। लन्डन। बेलायतस्थित नेपालीहरूको जेठो साहित्यिक संस्था नेपली साहित्य विकास परिषद यूकेले पुस्तक विमोचन,कविता वाचन,प्रवचन लगायत विविध साहित्यिक कार्यक्रम गरि २११औँ भानु जयन्ती मनाएको छ । वेस्ष्ट लन्डनको एक्टन टाउन स्थित एबीआइ कलेजमा आइतबार आयोजित समारोहमा कोमल मल्लको कविता संग्रह ‘माटोसँग के मागुँ’, ध्रुव केसीको ‘ईन्द्रायणीदेखि बेलायतसम्म’ जीवनी र डा.गोपाल पौड्यालको ‘प्रिय चरी’ खण्डकाव्य गरि तीन पुस्तक एकैदिन विमोचन गरियो। प्रमुख अतिथि परिषद्का वरिष्ठ प्रमुख सल्लाहकार तथा यती पूर्व अध्यक्ष डा. राघवप्रसाद धिताल ‘ओबीइ’ रहेको सो समारोहमा ति कृति विमोचन गरेको हो। मन्तव्यका क्रममा प्रमुख अतिथी धितालले नेपाली भाषा साहित्यको जागरण र सम्मान अभिवृद्धि गर्न आदिकवि भानुभक्तको योगदान गहन रहेको चर्चा गर्नुका साथै बेलायतमा नेपाली भाषा साहित्यको विकासमा वरिष्ठ साहित्यकार सुरेशजङ्ग शाहले सन् १९९५ मा नेपाली साहित्य विकास परिषद् यूके स्थापना गरेर बेलायतमा नेपाली भाषा साहित्यको जग बसाउन विशिष्ट योगदान र इतिहास रचेको स्मरण गरेका थिए। डा. धितालले परिषद्का अध्यक्ष कवि कोमल मल्ल,समाजसेवीहरु ध्रुव केसी,गोपाल पौड्याल जस्ता सर्जकका पुस्तकरू प्रकाशन गरेर परिषदले नेपाली साहित्य विकासमा थप योगदान पुर्याएको चर्चा पनि गरे। प्रमुख अतिथि डा.धितालले परिषद्की सहअध्यक्ष कवयित्री डा.सुधा श्रेष्ठलाई प्रशंसापत्रद्वारा सम्मान पनि गरे। समारोहमा आदिकवि भानुभक्त आचार्यको जीवनी बारे प्रकाश पार्दै भाषा साहित्य विश्लेषक एवं कानूनविद डा. धर्म थापाले त्यसबेला अत्यन्त अविकसित समाज रहेको त्यो कालखण्डमा भानुभक्तले नेपाली भाषामा जुन रामायणीय साहित्यको मौलिक लहर चलाए। त्यो आफैंमा एक साहसिक कदम र यसले नेपाली साहित्यको यात्रा तथा सामाजिक चेतना एवं एकता जागरण गर्न महत्वपूर्ण योगदान पुरयाएको टिप्पणी गरे। थापाले विश्वलाई नेपालले मानव समाजका लागि अतुलनीय संस्कृति दिएको चर्चा गर्दै आलोचकहरूले भानुभक्तका नारीमा समर्पित केही उपदेश मुलक कविताहरूको गलत अर्थ्याएर आलोचना गर्ने गरेपनि यथार्थमा आदिकविले नारी सम्मान र अस्मिता रक्षाको पक्षमा ती कविताहरू रचेका स्मरण गरे। परिषदका अध्यक्ष वरिष्ठ कवि कोमल प्रसाद श्रेष्ठ मल्लले परिषदले आफ्नो स्थापनाकाल सन् १९९५ देखि नै बेलायतमा भानु जयन्ती मनाउँदै आएको चर्चा गर्दै नेपाली पहिचान युग युगसम्म जीवन्त राख्न नेपाली भाषा साहित्य, संस्कृति जस्ता चिनारीहरू जोगाउंदै लैजानुपर्ने औचित्यतर्फ जोड दिए। यसअघि परिषद्का पूर्व
शीतलपाटीन्युज डटकम। लन्डन। लोक तथा दोहोरी कलाकार चोलेन्द्र पौडेल र कला लम्साल बेलायत आइपुगेका छन्। उनीहरु शनिबाार ६ तारिखमा लन्डनको हिथ्रो एयरपोर्ट ओर्लिएका हुन्। कलाकारद्वयको स्वागतका लागि हेम साइथ,कल्पना गुरुङलगायत विमानस्थल पुगेका थिए। उनीहरु नेपालब्रिटेन डट कमको वार्षिक समारोहलगायत कार्यक्रमका लागि लण्डन आएका हुन्। लोकदोहोरीमा ख्यातिप्राप्त चोलेन्द्र राष्ट्रिय लोक तथा दोहोरी गीत प्रतिष्ठा नेपालका पूर्वकेन्द्रीय उपमहासचिव र कला वर्तमान केन्द्रीय सदस्य हुन्। बेलायत आइसकेपछि चोलेन्द्रले लोकपारखीहरुसँग भेट हुने आशा व्यक्त गरेका छन्। 'हामी सकुशल युके आइपुगेका छौं। सम्पूर्ण लोक तथा दोहोरी पारखी मनहरुसँग पक्कै हाम्रो भेट हुनेछ,' उनले फेसबुकमा लेखेका छन्। (gurkhamedia)
शीतलपाटीन्युज डटकम। लण्डन। सन् १९९५ मा स्थापना भएको बेलायत स्थित नेपालीहरूको जेठो साहित्यक संस्था नेपाली साहित्य विकास परिषद् युकेले परिषद्को १४औँ कार्यसमितिको निर्बाचन घोषणा गरेकोछ। साहित्य परिषदका अध्यक्ष कोमलप्रसाद श्रेष्ठ मल्लको अध्यक्षतामा बसेको सचिवालय बैठकले आगामी २१ जुलाई २०२४ आइतबारका दिन १२.०० बजे दिउसो ABI College एक्टन टाउन हाइस्ट्रिटमा बस्ने परिषदको २९ औँ वार्षिक साधारण सभामा आगामी दुई वर्षका लागि परिषद्को १४औँ कार्यसमितिको निर्वाचन सम्पन्न गर्ने निर्णय गरेको हो। निर्वाचन सम्पन्नका लागि परिषद्का संस्थापक तथा निवर्तमान अध्यक्ष सुरेशजङ्ग शाहको अध्यक्षतामा ६ सदस्यीय अध्यक्ष मण्डल गठन गरीएको छ। अध्यक्ष मण्डलमा परिषद्का प्रमुख सल्लाहकार डा.राघवप्रसाद धिताल,पूर्व अध्यक्षहरू हरिसिंह थापा र खगेन्द्र नेपाली,सल्लाहकारहरू विजय थापा र कृष्ण भट्ट रहनु भएको छ। परिषद सचिवालयले एक विज्ञप्ति प्रकाशित गरी सम्पूर्ण सर्जक कवि साहित्यकार तथा साहित्य प्रेमी समाजसेवीहरूमा निर्वाचनमा उत्साहवर्धक सहभागिताका लागि खुल्ला उम्मेद्वारी मनोन्वयन आह्वान गरेको छ। निर्बाचनमा उम्मेद्वार हुन चाहने उम्मेद्वारले यही १९ जुलाई साँझ ५.३० बजे भित्र अध्यक्ष मण्डलका सदस्य कृष्ण भट्ट समक्ष आफूले उठ्न चाहेको पदमा उम्मेद्वारी नाम दर्ता गराउनु पर्नेछ भने परिषद्को सदस्यता नवीकरण वा नया सदस्यताका लागि परिषद्का वरिष्ठ कोषाध्यक्ष मनोज अन्जान वा अध्यक्ष कोमल प्रसाद मल्ल श्रेष्ठसँग अविलम्व सम्पर्क गर्न पनि विज्ञप्तिमा आह्वान गरेको छ। परिषदको नियमित निर्वाचन हरेक दुई वर्षमा हुने गरेको छ बिज्ञप्तिमा भनिएको छ। निर्वाचन सम्बन्धी अन्य कुनै कुरा बुझ्न परेमा संपर्कका लागि कृष्ण भट्ट 07946 305444 र कोमल श्रेष्ठ मल्ल 07863 138902 अध्यक्ष नेपाली साहित्य विकास परिषद् यूके रहनु भयको छ।
शीतलपाटीन्युज डटकम। लन्डन। अन्तर्राष्ट्रिय नेपाली साहित्य समाज (अनेसास) बोर्ड अफ ट्रष्टी सल्लाहकार मुक्तकमणि तीर्थराज अधिकारी आफ्नी जीवनसंगिनी सिता अधिकारीका साथ दश दिनको युरोपेली देश भ्रमण सकेर अमेरिका फर्किएका छन्। गत जुन १५ देखि २४ जुन २०२४ सम्म युरोपको साहित्यिक भ्रमणका क्रममा मुक्तकमणि अधिकारीलाई एक कार्यक्रमबीच अन्तर्राष्ट्रिय नेपाली साहित्य समाज,बेल्जियम च्याप्टरले सम्मान गर्यो। उक्त अवसरमा उनले दर्जनौं मुक्तक सुनाए। उनले सम्बोधनका क्रममा भने‘संवेदना स्वदेश तथा परदेशमा समान हुन्छ, नेपालीहरुले विदेशमा संगालेका अनुभवहरु अक्षरमा उतारेका हुन्छन्।’ नेपालीहरु जहाँ जहाँ पुग्छन् त्याहा आफ्नो संस्कार र संस्कृति पनि सँगै लगेका उनले बताए।अधिकारीले युरोप भ्रमणबाट आफू मन मुग्ध भएको बताएका छन्। ‘यहाँको हरियालीमा चरी रमाउँछ,वसन्त पनि घरीघरी रमाउँछ कति संजीवनी बोक्छस् ए प्रकृति कवि त झन् मनभरि रमाउँछ’। संसारको दोस्रो धनी देश लक्जम्बरको प्राकृतिक छटा देखेर मन मुग्ध भएका कवि अधिकारी मुक्तकमा यसरी अभिव्यक्त हुन्छन्। उनले गत जुन १५ का दिन बेल्जियम पुगेर त्यही दिन जर्मनीको Aachen city अवलोकन साथै जर्मन संस्कार र संस्कृतिबारे स्थानीयसंग कुराकानी गरेका थिए। कवि अधिकारी वि.सं. २०२८ देखि २०३२ सम्म गण्डकी अञ्चल कृषि विकास आयोजना खैरेनीटारमा कार्यरत थिए जसलाई जर्मन प्रोजेक्ट पनि भनिन्थ्यो। अधिकारी दम्पत्ति जुन १६ मा अन्तर्राष्ट्रिय नेपाली साहित्य समाज बेल्जियम च्याप्टरको स्वागत कार्यक्रममा सहभागी भएका थिए। यसबाहेक बेल्जियममा रहेका नेपाली समुदायसंग भेटघाट तथा विशेष जानकारी पनि लिएका थिए। बेल्जियममा साहित्यकार अधिकारी दम्पत्तिलाई पत्रकारहरु डिल्ली अम्गाईं, पञ्चम अधिकारी, पोखरेली युवा सांस्कृतिक परिवारका पूर्व अध्यक्ष भोज जिसी,सुशील न्यौपाने लगायतले विशेष आतिथ्य प्रदान गरेका थिए। उनीहरुले त्यही दिन पानी मुनीको शहर आम्सटर्डम, हल्याण्ड भ्रमण गरे भने जुन १७ र १८ मा पेरिस पुगेर आइफेल टावर आदि अवलोकन गरेको अधिकारीले जनाए।उनीहरुले जुन १९ र २० मा युरोपियन पार्लियामेन्ट र मिनी युरो ब्रसेल्स शहर अवलोकन गरे भने जुन २१ देखि २३ सम्म लक्जम्वर्ग र स्वीट्जरल्याण्ड भ्रमण गरेका थिए। जर्मनी भ्रमण गर्दा जर्मन साहित्य (Deutschspraching Leiteratur) बारे स्थानीय वासिन्दासंग छोटो कुराकानी गरेको अधिकारीले बताए। त्यसैगरि, स्वीट्जरल्याण्डमा स्वीस महासंघकोबारेमा गहिरो चाख तथा जानकारी लिएका थिए । अधिकारी कुनै बेला स्वीस प्रोजेक्ट जिरीमा पनि संलग्न थिए।अधिकारी युरोपमा
शीतलपाटीन्युज डटकम। पोखरा। त्रिवेणी साहित्य प्रतिष्ठानद्वारा यसवर्ष पहिलो पटक भगवती–होम कला वाङ्मय पुरस्कारले नेपाली चित्रकला र कविताका प्रसिद्घ सर्जक प्राज्ञ,विम्बकवि रमेश श्रेष्ठलाई यही २०८१ असार १५ गते सम्मान गर्ने भएको छ। थुप्रै चोटी राष्ट्रिय तथा अन्तर्राष्ट्रिय कला कार्यशाला तथा प्रदर्शनीमा सहभागी भइसकेका श्रेष्ठको नेपालमा दुई पटक एकल कला प्रदर्शनी भव्यताका साथ सम्पन्न भएको छ। जन्मथलो पोखरामै नेपाली कला र कवितालाई आफ्नो छुट्टै मौलिक शैलीमा अनुष्ठान गर्दै आएका श्रेष्ठ नेपाली कविताको मूल्य र मान्यताको लागि मुलुक मै टिकटमा एकल कविता वाचन कार्यक्रम शुरु गर्ने प्रथम प्रयोक्ता हुन्। त्रिविवि स्नातक तह प्रथम वर्षको ऐच्छिक नेपाली कोर्समा २०६५ देखि कविता समावेश भएका श्रेष्ठको नपोतिएका रंगहरू (गीत संग्रह २०५२), चराहरूको पहाड (कविता संग्रह २०५५),आमा नदीहरू (कविता संग्रह २०५७),बुद्ध बिम्ब अक्षर बिम्ब (कविता संग्रह २०५८),इन द नेम अफ बुद्ध –अंग्रेजी भाषाको कविता संग्रह २०५८),घाँस उखेलिरहेकी केटी (कविता काव्य २०६०),रोदी रोएको देशमा (काव्य २०६२), कविता र साँझ (नेपाली कविताको पहिलो श्रव्य दृश्य ०६४), अक्षरको खेत (२०६५ कविता संग्रह ),चोक र तमसुक (२०६७ खण्डकाव्य ), कविताको उज्यालो (२०७० कविता संग्रह ),रङहरूको गीत ( कविता र चित्रकला संग्रह २०७३),अग्निनृत्य (२०७४ काव्य ),मलामी पहाड र सारंगी (२०८० काव्य) प्रकाशित छन् भने आँसुमा खसेको पृथ्वी (कविता संग्रह), कोलाज उत्सव (काव्य) सुनगाभाको ओठ (गीत संग्रह) प्रकाशोन्मुख छन्। राष्ट्रिय प्रतिभा पुरस्कार,मोती पुरस्कार,ससिद्घि राष्ट्रिय कलाश्री पुरस्कार,व्यथित काव्य पुरस्कार,शिरोमणि पुरस्कार आदि थुप्रै पुरस्कार तथा मान सम्मानले सम्मानित श्रेष्ठ नेपाल प्रज्ञा–प्रतिष्ठानका पूर्व प्राज्ञसभा सदस्य तथा नेपाल ललितकला प्रज्ञा–प्रतिष्ठानका पूर्व प्राज्ञ परिषद सदस्य तथा चित्रकला विभाग प्रमुख हुन्। श्रेष्ठले नेपाली कला र काव्यको क्षेत्रमा महत्वपूर्ण योगदान पु¥याउनु भएको योगदानको कदर गर्दै सम्मानित गर्न लागिएको हो भन्दै उक्त अवसरमा मुकेश मल्ल,प्रभा भट्टराई,डा.गीता त्रिपाठी,मनोज भण्डारी,गोपी सापकोटा र बरुणबाबु घिमिरेलाई विभिन्न पुरस्कारले सम्मानित गरिने त्रिवेणी साहित्य प्रतिष्ठानका उपाध्यक्ष तथा गैडाकोट प्रज्ञा–प्रतिष्ठानका सदस्य सचिव भीमप्रसाद शर्माले बताएका छन्।
संगीता स्वेच्छाको उपन्यास ‘सेतो सिउँदो’लण्डनमा विमोचित लन्डन, युके संगीता स्वेच्छाको उपन्यास सेतो सिउँदोको विमोचन ११ मे २०२४ मा लन्डनमा भएको छ । अन्तर्राष्ट्रिय नेपाली साहित्य समाज बेलायतद्वारा आयोजित र ८७ औं पारिजात जयन्ती उत्सवको अवसरमा विमोचित उपन्यास सेतो सिउँदो यस अघि पखालिएको सिउँदोको नाममा प्रकाशन भएको थियो। प्रमुख अतिथि डा.वीरेन्द्र अमात्य रहेको उक्त कार्यक्रममा लेखक डा.रुपक श्रेष्ठ र लेखिका प्रतिमा केसीले उपन्यासको समीक्षा प्रस्तुत गर्नुभएको थियो । लेखिका प्रतिमा केसीले उपन्यासको गहिराइ र परिपक्वताको प्रशंसा गर्दै टिप्पणी गरिन्, “उपन्यासले एक महिलाको मन,उनको पीडालाई सूक्ष्म रूपमा प्रस्तुत गरेको छ। यसले नेपालमा महिला बेचबिखनको मुद्दालाई सफलतापूर्वक उठाएको छ। उपन्यासले सामाजिक, आर्थिक असन्तुलनलाई पनि देखाएको छ । संगीता स्वेच्छाको किशोरावस्थामा लेखिएको यो उपन्यास हरेक कोणबाट परिपक्व छ र नेपाली साहित्यले यस उपन्यासमा गर्व गर्न सक्छ।” डा. रुपक श्रेष्ठले तीन दशकअघि स्वेच्छाको उल्लेखनीय उपलब्धिको प्रशंसा गर्दै भने, “म अझै पनि अचम्ममा छु कि त्यसबेला एउटी १८ वर्षीय किशोरीले कसरी यो उपन्यासको कल्पना गर्न सक्छ । यो उपन्यासको परिपक्वता किशोरीले लेख्न सक्ने भन्दा धेरै अगाडि छ किनभने यसले महिला बेचबिखन,नेपाली समाजको सामाजिक,आर्थिक जीवन,महिलाको मनोविज्ञानलाई प्रस्तुत गर्दछ।” संगीता स्वेच्छाले ३ दशकअघि प्रकाशित आफ्नो उपन्यासलाई पुनः परिचय गराउने अवसर पाएकोमा कृतज्ञता व्यक्त गरिन् । उनले अनेसास बेलायतलाई आफ्नो उपन्यासले कार्यक्रम मार्फत पुर्नजीवन पाएकोमा धन्यवाद व्यक्त गरिन् । बुक हिलद्वारा प्रकाशित सेतो सिउँदोको हाल अङ्ग्रेजीमा अनुवाद भइरहेको छ र चाँडै अंग्रजी संस्करण पनि आउने स्वेच्छाले बताइन् । Sangita Swechcha's Novel 'Seto Siundo' launched in London London, 11 May 2024 The launch of Sangita Swechcha's novel, 'Seto Siundo,' took place in London on 11 May 2024. Organised by the International Nepali Literary Society (INLS) and held in conjunction with the 87th Parijaat Jayanti celebration, the event marked a significant moment. Dr. Birendra Amatya,chief guest of the occasion,graced the event with his presence,adding prestige to the relaunch. During the programme, attendees were treated to insightful reviews of 'Seto Siundo' by Writer Dr.Rupak Shrestha and Author Pratima KC. Author Pratima KC praised the novel's depth and maturity, remarking, "The novel has minutely navigated the mind of a woman, her pain and sufferings. It successfully raised
लन्डन, युके संगीता स्वेच्छाको उपन्यास सेतो सिउँदोको विमोचन ११ मे २०२४ मालन्डनमा भएको छ। अन्तर्राष्ट्रिय नेपाली साहित्य समाज बेलायतद्वाराआयोजित र ८७ औं पारिजात जयन्ती उत्सवको अवसरमा विमोचितउपन्यास सेतो सिउँदो यस अघि पखालिएको सिउँदोको नाममा प्रकाशनभएको थियो। प्रमुख अतिथि डा. वीरेन्द्र अमात्य रहेको उक्त कार्यक्रममा लेखक डा. रुपक श्रेष्ठ र लेखिका प्रतिमा केसीले उपन्यासको समीक्षा प्रस्तुतगर्नुभएको थियो । लेखिका प्रतिमा केसीले उपन्यासको गहिराइ र परिपक्वताको प्रशंसा गर्दैटिप्पणी गरिन्, “उपन्यासले एक महिलाको मन, उनको पीडालाई सूक्ष्मरूपमा प्रस्तुत गरेको छ। यसले नेपालमा महिला बेचबिखनको मुद्दालाईसफलतापूर्वक उठाएको छ। उपन्यासले सामाजिक, आर्थिकअसन्तुलनलाई पनि देखाएको छ । संगीता स्वेच्छाको किशोरावस्थामालेखिएको यो उपन्यास हरेक कोणबाट परिपक्व छ र नेपाली साहित्यलेयस उपन्यासमा गर्व गर्न सक्छ ।” डा. रुपक श्रेष्ठले तीन दशकअघि स्वेच्छाको उल्लेखनीय उपलब्धिकोप्रशंसा गर्दै भने, “म अझै पनि अचम्ममा छु कि त्यसबेला एउटी १८ वर्षीयकिशोरीले कसरी यो उपन्यासको कल्पना गर्न सक्छ। यो उपन्यासको परिपक्वता किशोरीले लेख्न सक्ने भन्दा धेरै अगाडि छ किनभने यसले महिला बेचबिखन,नेपाली समाजको सामाजिक,आर्थिक जीवन,महिलाको मनोविज्ञानलाई प्रस्तुत गर्दछ।” संगीता स्वेच्छाले ३ दशकअघि प्रकाशित आफ्नो उपन्यासलाई पुनःपरिचय गराउने अवसर पाएकोमा कृतज्ञता व्यक्त गरिन्। उनले अनेसासबेलायतलाई आफ्नो उपन्यासले कार्यक्रम मार्फत पुर्नजीवन पाएकोमाधन्यवाद व्यक्त गरिन्। बुक हिलद्वारा प्रकाशित सेतो सिउँदोको हाल अङ्ग्रेजीमा अनुवाद भइरहेको छ र चाँडै अंग्रजी संस्करण पनि आउने स्वेच्छाले बताइन्। Sangita Swechcha's Novel 'Seto Siundo' launched in London London, 11 May 2024 The launch of Sangita Swechcha's novel, 'Seto Siundo,' took place in London on 11 May 2024. Organised by the International Nepali Literary Society (INLS) and held in conjunction with the 87th Parijaat Jayanti celebration, the event marked a significant moment. Dr. Birendra Amatya, chief guest of the occasion, graced the event with his presence, adding prestige to the relaunch. During the programme, attendees were treated to insightful reviews of 'Seto Siundo' by Writer Dr. Rupak Shrestha and Author Pratima KC. Author Pratima KC praised the novel's depth and maturity, remarking, "The novel has minutely navigated the mind of a woman, her pain and sufferings. It successfully raised the issue of women trafficking in Nepal. The novel which also showed the socio-economic imbalances also explored how disabilities can cripple a life in society. This novel which was written during Sangita Swechcha’s teen age is mature at every angle and Nepali literature can be proud of this novel." Dr. Rupak Shrestha echoed similar sentiments, expressing his admiration for Swechcha's remarkable achievement three decades ago. "I am still amazed how could an 18-year-old teenager back then imagine of this novel. This novel's maturity is far ahead of a teenager could write as it highlights women trafficking, socio-economic life of Nepali society and women's psychology." Sangita Swechcha, the author behind 'Seto Siundo,' shared her gratitude for the opportunity to reintroduce her novel which was published 3 decades ago entitled as ‘Pakhalieko Siundo’. She also thanked INLS for shining a spotlight on her work once again. Published by Book Hill, 'Seto Siundo' is currently undergoing translation into English, promising to reach an even wider audience.
